Eksodha 19:18 - Bhiblia Yo Sawuleka

¹⁸ Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.

Eksodha 19:18 Referans Kwoze

Valamuli 5:5

Mimango yi nyivilikile masoni ka Mkoma, ni wona mmango wa Sinayi, masoni ka Mkoma, Txizimu txa ka Israyeli.

Masalmo 144:5

Mkoma, releta nzuma yako u txhika; gwesa mimango, kasi ku yi na tuvika.

Mtuletelo 15:8

Dithepele di to tala ngu wutshi, ngu mhaka ya wudhumo wa Txizimu ni mtamo wa txona, ahawa koza ni wammweyo asi sikoti kuwulela Dithepeleni, kala kuza kuhetiseka mitungu yile ya mtxhanu ni yimbidi ya tingelozi ta mtxhanu ni timbidi.

Eksodha 3:2

Ngelozi ya Mkoma yi to woneka ka Mosi ngu mu ka m'dhikila wa mndilo, hagari ka txipopo. Mosi a to txi wonisisa, e wona ti to txipopo txa tura ngu mndilo, kambe txipopo kha txi gumi ngu kuhya.

Jeremiya 4:24

Ni to wona mimango, ti woneka to yi txo dhudhumela; ni simangwana sotshe si txi dekandeka.

Genesisi 19:28

Se a to wona Sodhoma ni Gomora ni lotshe libala, a txi wona wutshi wu txi tuvika wu txi guleka ngu ha mafuni, nga wutshi wa txikho txa hombe.

Masalmo 104:32

Mafu ma dhudhumela, ngako Mkoma a txi ma wonetela; mimango ya tuvika wutshi, ngako ene a txi yi gwesa.

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

Dhewuteronome 5:22

Aawa ngu ona mapswi a Mkoma a nga huwelela, ngu dipswi do guleka, ka wotshe msengeletano wanu, txitimwi ka mmango, a di hagari ka mndilo, ni direfu, ni txidema. A to womba-womba ngu dipswi da hombe, a si engeteli txilo; a to bhala timhaka tiya, aha ka sileti simbidi sa marigwi, a txi si ningela kwangu.

Eksodha 24:17

Se kuphatima ka Mkoma txitimwi ka mmango, masoni ka vanana va ka Israyeli, ku to wonekisa kufana ni mndilo wu tshokomisako.

Vahebheru 12:26

Ene wu dipswi dakwe di nga zinginisa mafu, konkuwa a huwelela a txi khene: “Ni na tshumela ni txi zinginisa kambe, i si nga mafu dwe, aniko ni yona nzuma na yi zinginisa.”

Isaya 6:4

Se misasimo ya matimba yi to zinginika, ngu dipswi da wule a nga ti kwangula, ni nyumba yi to tala ngu wutshi.

Genesisi 15:17

Ngako di ti swite ditambo, ku to va ni txidema txa hombe; Ku txi humelela txikho txi nga txi tuvikela, ni txisoso txa mndilo txi nga txi pinda ngu hagari ka sihari si si nga bhandiselwa.

2 Pedro 3:10

Kambe ditshiku da Mkoma di na tisa ku nga dikhamba; ka donedo ditshiku, tinzuma ti na pinda ti txi dhinda ngutu, tinyeleti ti na nyivilika ngu kupfa kuhisa ka hombe; ditiko ni mithumo ya dona si na hya si txi guma.

Vahebheru 12:18

Kha ditshuri, anu kha ma tshuketela, kufana ni vanana va Israyeli, ka mmango wu wu sikotako kugweswa, awu wu ku ni mndilo wo tura, ni txidema, hunguva, ni txingulu.

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Matewu 24:7

Ditiko di na wukela dimwani ditiko, mfumo wu na wukela wumwani mfumo, ku nava ni tipaya ni mitungu ni kuzinginikela ka mafu, ka makhalo amangi.

Zakariya 14:5

Se mi na tutuma ngu mkova wa mimango yangu (nguko mkova wa mmango wu na hoka kala Azeli), se mi na tutumisa ku nga tile mi nga tutumisa tona, ngu kuzinginika ka mafu, ka masiku a Uziya, mfumeli wa ka Judha; sekoko a nata Mkoma, Txizimu txangu, ni votshe vasawuleki, awe Mkoma.

Masalmo 114:7

Awe mafu, dhudhumela masoni ka Mkoma, masoni ka Txizimu txa Jakobe,

Masalmo 77:18

Kudhuma ka singwalangwanda sako ku to pfala txitimwi kukeluka ka nzuma ku to woningeta ditiko dotshe; mafu ma to dekadeka ma txi dhudhumela.

Eksodha 20:18

Vathu votshe va to engisa kudhuma ka singwalangwanda, kukeluka, kutuma ka mpundu ni kutuvika ka mmango, vathu va to telwa ngu dizowa, va txi manekela kule.

Eksodha 19:13

Kha kulaveki kugwesa ngu dianza dakwe, aniko va na mu balisela ngu marigwi mwendo a na fuletelwa ngu tingove. Mwendo njihari mwendo i m'thu, kha na mbi hanya; ngako ku txi vetwa mpundu mbimo yo lapha, sekoko mi na kwela ha mmangoni.”

2 Vatesalonika 1:7

Kasiku anu mi xaniswako, mi txi ningwa kuhumula ni nathu ditshiku di Mkoma Jesu a nota woneka, a txi ta ngu nzumani kumweko ni tingelozi ta mtamo wakwe,

Mtuletelo 9:2

se yona yi to tula txisofu txa diphala do hokoma, se konaho ku to tuvika wutshi, wo fana ni mdhikila wa hombe wa mndilo, ahawa koza ditambo ni ndengelenga si phumaliswa ngu mhaka ya wutshi wu humako ngu txisofuni ka diphala.

Genesisi 11:5

Sekoko Mkoma, ngu konaho, a to relela, kasi kuya wona didhoropa ni txitezi txi vanana va vathu va nga ti aka.

Eksodha 19:17

Mosi a to ruma ati to vathu va txi huma ve hingeta Txizimu, se va to ya ema hafuhi ka mmango.

Eksodha 34:2

Zumba u di ti lulamisete ti to mangwana ni mixo u nata kwela mmangoni ka Sinayi, u txi ya ni verela kona, txitimwi ka mmango.

Dhewuteronome 5:4

Mkoma a wombawombile ni nanu khohe ni khohe, a di hagari ka mndilo, txitimwi ka mmango.

Isaya 64:1

O! I ti ku wo bhanda nzuma u txhika! I tiku mimango yo zinginika masoni kwako!

Dhewuteronome 4:36

Ene Mkoma a mahile ti to u txi engisa dipswi dakwe a di nzumani, kasi ku a txi kugondisa. Ene a mahile ti to u txi wona mndilo wakwe wa hombe kona ha mafuni, ni kuengisa mapswi akwe ma txi huma ngu hagari ka mndilo.

Nehemiya 9:13

U txhikile txitimwi ka mmango wa Sinayi, u womba-womba navo u di nzumani, u va ningile wululamo wa wunene ni milayo ya ditshuri, sileleto ni sirumo sa sinene.

Masalmo 18:9

Txizimu txi to tula nzuma txi txhika ku di ni txidema hahatshi ka mikondo ya txona.

Masalmo 68:9

Awe Txizimu, awe u mahile ma txi na mati ngu mtalo; u wusetile mafu awa i ku ako.

Masalmo 77:19

U tute nzila yako hagari ka linene; u tsimbila ngu hagari ka mati o khulunga, aniko ni wammweyo kha nga wona mkondo wako.

Masalmo 114:4

Mimango yi to jala nga tihamba ni mimango yi to ndaka nga sinvutana!

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.