Eksodha 19:17 - Bhiblia Yo Sawuleka

¹⁷ Mosi a to ruma ati to vathu va txi huma ve hingeta Txizimu, se va to ya ema hafuhi ka mmango.

Eksodha 19:17 Referans Kwoze

Dhewuteronome 4:10

Ka ditshiku dile mi nga ema masoni ka Mkoma, Txizimu txanu, mmangoni ka Horebhi, Mkoma a to khene kwangu: “Tshanganisa vathu ngu ditina dangu, kasi ku va txi engisa mapswi angu, ti to ve gonda ku ni thava yotshe mbimo ya kuhanya kwawe ha ditikoni, ni ti to ve ma gondisa ka vanana vawe.”

Dhewuteronome 5:5

Konako ani ni emile hagari ka Mkoma ni nanu, kasi ku ni mi gela dipswi da Mkoma, nguko mi ti ti ni dizowa ngu mndilo, ngu mhaka yeto kha ma kwela mmangoni. Ene a ti khene:

Mithumo 7:38

Ngu mbimo ya kusengeletana ka va ka Israyeli txiwulani, ngene Mosi a nga ema ni ngelozi, ayi yi nga womba-womba nayo mmangoni ka Sinayi, kumweko ni vatate vathu; ngene a nga amukela mapswi a wutomi, kasi ku ta hi ninga ona.

Eksodha 19:13

Kha kulaveki kugwesa ngu dianza dakwe, aniko va na mu balisela ngu marigwi mwendo a na fuletelwa ngu tingove. Mwendo njihari mwendo i m'thu, kha na mbi hanya; ngako ku txi vetwa mpundu mbimo yo lapha, sekoko mi na kwela ha mmangoni.”

Eksodha 19:16

Kutxani ka ditshiku da wuraru, ku to maheka singwalangwanda ni tinyangafula ni direfu da mtima di to fenengeta mmango, se kudhuma ka mtamo ka mpundu ku to pfala ngutu. Dibutho da vathu di nga ti wugoveloni di to dhudhumela.

Eksodha 19:18

Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.

Levhi 9:5

Sekoko vona va to teka sotshe si Mosi a nga si leletela, ve si tisa ha txikeni ka ditenda da msengeletano wotshe wa ka Israyeli, wu nga tshuketa hafuhi ka Mkoma, wu txi ema kona.

Dhewuteronome 4:11

Anu mi to tshuketa, mi txi ta maneka hafuhi ka mmango; aniko mmango wu ti tura mndilo kala nzumani, hagari ka txidema ni marefu ni kuphuma.