Eksodha 19:16 - Bhiblia Yo Sawuleka

¹⁶ Kutxani ka ditshiku da wuraru, ku to maheka singwalangwanda ni tinyangafula ni direfu da mtima di to fenengeta mmango, se kudhuma ka mtamo ka mpundu ku to pfala ngutu. Dibutho da vathu di nga ti wugoveloni di to dhudhumela.

Eksodha 19:16 Referans Kwoze

Mtuletelo 4:1

Msana keto, ni to wona txiwoniso: Ditimba di nga ti tutwe nzumani, se dipswi do khata di ni nga ti di engisile, do tuma ku nga mpundu, di txi kha dona: “Kwela u txi ta hawa, kasiku ni ta kukomba ati ti no maheka msana ka tiya.”

Vahebheru 12:21

Kha ditshuri, mhaka yiya i ti yo thisa ngutu, ahawa Mosi a nga za a txi womba ku khene: “Na dhudhumela ngu kuthava,”

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 8:5

Se ngelozi yi to teka txiwungelo yi txi tata ngu mndilo wa ha txiluveloni, yi txi vinza ha mafuni: Msana keto, ku to dhinda singwalagwanda, kupfala tihuwa, kukeluka nzumani ni kutsekatseka ka mafu.

Mtuletelo 4:5

Ngu ka txikhalo txile txa wukoma, ku ti ti huma kuphatima, mapswi ni singwalangwanda; se masoni ka txikhalo txa wukoma ku ti tura mtxhanu wa misanje ni yimbidi ya mndilo: I ku mimoya ya mtxhanu ni yimbidi ya Txizimu.

Masalmo 77:18

Kudhuma ka singwalangwanda sako ku to pfala txitimwi kukeluka ka nzuma ku to woningeta ditiko dotshe; mafu ma to dekadeka ma txi dhudhumela.

Jobe 38:25

I mani a nga tula nzila me tala mati, ni nzila ya kuphatima ka kudhindela,

Eksodha 20:18

Vathu votshe va to engisa kudhuma ka singwalangwanda, kukeluka, kutuma ka mpundu ni kutuvika ka mmango, vathu va to telwa ngu dizowa, va txi manekela kule.

Eksodha 19:9

Se Mkoma a to ni gela ku khene: “Wona taku ani ni nata kwako ngu mu ka direfu do phumela, kasi ku vathu va txi ni engisa ni txi womba-womba ni nawe, kasiku kambe va txi kholwa ngu ha ku si gwitiko.” Aha Mosi a nga txhamusela ka Mkoma mapswi a vathu votshe,

Eksodha 9:23

Mosi a to gwimba ndonga yakwe a txi yi komba txitimwi. Mkoma a to ruma singwalangwanda ni mati a maralala, ku to relela mndilo ha mafuni. Txizimu txi to maha ti to ma txi wa mati a maralala ha ditikoni kotshe ka Egipta.

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Masalmo 97:4

Kukeluka ka singwalangwanda sakwe kuwoninga ditiko; mafu ma si wona, me tsekatseka!

Masalmo 50:3

Txizimu txathu txi nata, kambe kha txi na mbi ta malala; masoni ka txona kuhuma mndilo wo hisa ngutu, ka otshe madhawa a txona, ku na ni txihuhuri txa mtamo.

2 Makronika 5:14

Se vaphaxeli va si dingani kuthuma va di emile, ngu mhaka ya direfu, nguko wudhumo wa Mkoma wu ti tatile Nyumba ya Txizimu.

Eksodha 40:34

Sekoko, direfu di to fenengeta ditenda da msengeletano ni kuphatima ka Mkoma ku manekile ku txi tata ditenda do sawuleka.

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Eksodha 19:11

va txi va va di ti longisete ka ditshiku da wuraru, nguko ka ditshiku da wuraru, Mkoma a na txhika txitimwi ka mmango wa Sinayi, masoni ka vathu votshe.

Eksodha 19:15

Se a to khene ka vathu: “Ka ditshiku da wuraru, manekani mi di ti lulamisete, mi nga tshuketeleni vavasikati.”

Eksodha 19:17

Mosi a to ruma ati to vathu va txi huma ve hingeta Txizimu, se va to ya ema hafuhi ka mmango.

Eksodha 20:21

Vathu va to zumbela kule; Mosi a txi tshuketa aha ka direfu, mtemani, ahale Txizimu txi nga ti kona.

Dhewuteronome 5:5

Konako ani ni emile hagari ka Mkoma ni nanu, kasi ku ni mi gela dipswi da Mkoma, nguko mi ti ti ni dizowa ngu mndilo, ngu mhaka yeto kha ma kwela mmangoni. Ene a ti khene:

2 Samuwele 22:10

Se a to kweva nzuma e txhika, aniko txidema txa hombe txi ti ti hahatshi ka mikondo yakwe.

Nahume 1:3

Mkoma wa swela kuhenya, aniko mbwa hombe amu ka mtamo wakwe, se ka muonhi, kha mmahi wo mbi na mnandu; Nzila ya Mkoma yi mu ka txingulu ni txihuhuri; se marefu lithulu la mikondo yakwe.

Masalmo 81:8

Engisani, vathu vangu, sileleto sangu; oh idiku wo ni engisa, Israyeli!