Eksodha 19:15 - Bhiblia Yo Sawuleka

¹⁵ Se a to khene ka vathu: “Ka ditshiku da wuraru, manekani mi di ti lulamisete, mi nga tshuketeleni vavasikati.”

Eksodha 19:15 Referans Kwoze

1 Vakorinto 7:5

Mi nga tonaneni, hahanze ka kuva mi txi pfana ngu wumbidi wanu ngu mbimwanyana, kasiku mi sikota ku ti ningela mkombeloni. Mi di gwitile, tshanganani kambe, kasiku Sathani asi mi duki ngu ku ambi ti ñola kwanu.

Eksodha 19:11

va txi va va di ti longisete ka ditshiku da wuraru, nguko ka ditshiku da wuraru, Mkoma a na txhika txitimwi ka mmango wa Sinayi, masoni ka vathu votshe.

Joyeli 2:16

Sengeletani vathu, sawulekisani msengeletano, patani madhota, sengeletani timenzani ni vale va mamako; a na hume mteki ngu ndangani kwakwe ni mtekiwa ngu phanzekelani kwakwe.

Matewu 24:44

Ngu toneto, zumbani nanu mi di rinzete; ka txikhati txi mi si pimisiko txilo, ngu yoneyo mbimo a nota ngu yona Mwanana wa M'thu.”

Malakiya 3:2

Kambe i mani a no tsanisela ka ditshiku da kuta kwakwe kani? Ni ku i mani a no simama a diho, ngako ene a txi ta kani? Nguko ene a na nga mndilo wa mnyivilikisi, ni ku nga sephu ya vakuwuli.

Zakariya 7:3

va to gela vaphaxeli vale va nga ti ti Nyumbani ka Mkoma wa Mabutho a Tiyimbi, ni ka vaprofeti, va txi kha vona: Ina ni na dila ka mtxima wa wutxhanu, ni ti tona, nga tile ni tolovelako kumaha, ka malembe amangi kani?

Zakariya 6:3

Se txikotxikani txa wuraru txi ti ndindwa ngu mahantxhi o basa, txikotxikani txa wumune txi ti ndindwa ngu mahantxhi a matshakatshaka, a mtamo.

Amosi 4:12

Ngu mhaka yeto, ni na kumaha toneto awe Israyeli! Se ngu mhaka ya ti ni no kumaha, ti lulamisele awe Israyeli, kasi kumanana ni Txizimu txako.

Eksodha 19:16

Kutxani ka ditshiku da wuraru, ku to maheka singwalangwanda ni tinyangafula ni direfu da mtima di to fenengeta mmango, se kudhuma ka mtamo ka mpundu ku to pfala ngutu. Dibutho da vathu di nga ti wugoveloni di to dhudhumela.

Eksodha 19:14

Sekoko Mosi a to txhika ngu mmangoni, a txi ya sawulekisa vathu; ene a va basisile, kambe va kuwute syambalo sawe.

1 Makronika 15:12

A txi khene kwawe: Anu mi vathangeli va vatate hagari ka va ka Levhi; ti sawulekiseni, anu ni vananu, kasi ku mi rwala dibhokiso da Mkoma, Txizimu txa Israyeli, mi di yisa ka wukhalo wule ni nga wu lulamisa.

Levhi 15:18

Ngako wansikati a txi otela ni wamwana, a wu kwakwe yi nga huma mbewu ya liveleko, vona ngu wumbidi wawe va fanete kusamba mimidi hambi keto, va na va va sa basa, kala kuswa ditambo.