Eksodha 19:13 - Bhiblia Yo Sawuleka

¹³ Kha kulaveki kugwesa ngu dianza dakwe, aniko va na mu balisela ngu marigwi mwendo a na fuletelwa ngu tingove. Mwendo njihari mwendo i m'thu, kha na mbi hanya; ngako ku txi vetwa mpundu mbimo yo lapha, sekoko mi na kwela ha mmangoni.”

Eksodha 19:13 Referans Kwoze

Vahebheru 12:20

Nguko, va ti xuleka kulondetela ati va nga ti rumwa ngu dona, ti taku: “Hambi i di txifuyo, ngako txi txi gwesa mmango wuwa, txi na fayetelwe ngu marigwi.”

Eksodha 19:19

Kudhuma ka mpundu ku to maneka ku txi kula ngutu. Mosi a ti ti womba-womba ni dipswi da Nyatxitimwi di ti mxamula.

Eksodha 19:16

Kutxani ka ditshiku da wuraru, ku to maheka singwalangwanda ni tinyangafula ni direfu da mtima di to fenengeta mmango, se kudhuma ka mtamo ka mpundu ku to pfala ngutu. Dibutho da vathu di nga ti wugoveloni di to dhudhumela.

1 Vatesalonika 4:16

nguko ene Mkoma ngu wutumbu wakwe, ngu kudhana ka ngelozi ya hombe, ngu kuvetwa ka mpundu wa Txizimu, a na txhika ngu nzumani, se avale va nga fela ka Kristu, va na thanga vona ve wuka.

1 Vakorinto 15:52

Ngu txikhatianyana txo fana ni kuphanima ka diso, ngu kuvetwa ka mpundu wo gwitisa, nguko kha ditshuri wu na vetwa mpundu, vafi va na wuka va si swi va di ni kusina, athu hi na hinduluswa.

Eksodha 19:14

Sekoko Mosi a to txhika ngu mmangoni, a txi ya sawulekisa vathu; ene a va basisile, kambe va kuwute syambalo sawe.

Eksodha 19:17

Mosi a to ruma ati to vathu va txi huma ve hingeta Txizimu, se va to ya ema hafuhi ka mmango.

Eksodha 34:3

Ni wammweyo m'thu a nga kwele ni nawe, ni wammweyo m'thu a nga woneke kotshe mmangoni, hambi tinvuta mwendo tihomu si nga dyele hafuhi ka mmango.”

Valamuli 20:37

Se vabarameli va to kuluveta ve randela Gibheya; va txi va dayela ngu matxhari ka dotshe didhoropa.