Eksodha 19:12 - Bhiblia Yo Sawuleka

¹² U na komba ka vathu muhingano ngu kurendelekisa, u txi va gela tiya: Mi nga kweleni mmango hambi ni kugwesa makhatoni ka wona. Awule a wu gwesako, a na tsayiswa ngu kufa.

Eksodha 19:12 Referans Kwoze

Joxuwa 3:4

Ku nave ni kudhawukana hagari kwanu ni dibhokiso, ko dingana 2.000 wa mikono; kambe mi nga tshuketeni hafuhi ka dona, kasi ku mi ziva nzila yi mi no tsula ngu yona; nzila yaku kha mi nzivi ka nga tsimbila ngu yona.”

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Dhewuteronome 2:4

Leleta vathu u txi khawe: Anu mi na pinda ngu ka ditiko da vananu, i ku vanana va Esawu, avale va nga aka Seyiri; se vona va na mi thava, kambe mi fanate kutiwonela ngutu;

Eksodha 34:12

Ti wonele, u nga mahe Txitumelelano txihi ni txihi ni vaaki va ditikodo uyako ka dona; kasiku va si thuki va txi kuriyela u txi zwetwa, u txi lova.

Eksodha 19:23

Sekoko Mosi a to khene ka Mkoma: Vathu kha va na mbi sikota kukwela mmango wa Sinayi, nguko awe u hi bhasopisile u txi khawe: “Tenderuka mmango u txi komba muhingano, u txi wu sawulekisa.”

Eksodha 19:21

Se Mkoma a to khene ka Mosi: “Relela u txi ya zivisa vathu ati to va si tshawunyeti muhingano ngu kulava kuwona Mkoma, kasi ku ku si fi vavangi.

Eksodha 10:28

Se Faro a wombile ka Mosi a txi khene: “Khukha hafuhi kwangu, aniko u nga swe u txi woneka kambe masoni kwangu, nguko ditshiku di u nota woneka khoheni kwangu, u na fa.”

Vahebheru 12:18

Kha ditshuri, anu kha ma tshuketela, kufana ni vanana va Israyeli, ka mmango wu wu sikotako kugweswa, awu wu ku ni mndilo wo tura, ni txidema, hunguva, ni txingulu.

Eksodha 34:3

Ni wammweyo m'thu a nga kwele ni nawe, ni wammweyo m'thu a nga woneke kotshe mmangoni, hambi tinvuta mwendo tihomu si nga dyele hafuhi ka mmango.”

Eksodha 24:2

Kambe i Mosi dwe a no tshuketa ka Mkoma; aniko vona va nga tshukete, hambi vathu va nga kwelele nayo.”