Eksodha 19:11 - Bhiblia Yo Sawuleka

¹¹ va txi va va di ti longisete ka ditshiku da wuraru, nguko ka ditshiku da wuraru, Mkoma a na txhika txitimwi ka mmango wa Sinayi, masoni ka vathu votshe.

Eksodha 19:11 Referans Kwoze

Eksodha 19:16

Kutxani ka ditshiku da wuraru, ku to maheka singwalangwanda ni tinyangafula ni direfu da mtima di to fenengeta mmango, se kudhuma ka mtamo ka mpundu ku to pfala ngutu. Dibutho da vathu di nga ti wugoveloni di to dhudhumela.

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

Eksodha 34:5

Mkoma a to relela ngu mu direfuni a txi maneka hafuhi kwakwe, se Mosi a to huwelela ditina da Mkoma.

Johani 6:38

Nguko ni txhikile ngu nzumani, i si nga ngu ku tela ku ta maha kuranda kwangu, aniko ngu ku tela ku ta maha kuranda ka wu a nga ni ruma.

Johani 3:13

Kha ku na m'thu wu a nga kwela nzumani, hahanze ka wule a nga txhika ngu nzumani, i ku Mwanana wa M'thu.

Masalmo 144:5

Mkoma, releta nzuma yako u txhika; gwesa mimango, kasi ku yi na tuvika.

Masalmo 18:9

Txizimu txi to tula nzuma txi txhika ku di ni txidema hahatshi ka mikondo ya txona.

Mitengo 11:17

Sekoko ani, ni na kwitima ni ta womba-womba ni nawe konaho; se ni nata hungula moya wu wu ku nemelako wekha, ni wu veka kwawe, kasi ve kuvhuna; se moya wu na kuvhuna kurwala vathu, na i si ngawe wekha u rwalako.

Eksodha 19:20

Mkoma a to txhika txitimwi ka mmango wa Sinayi. Se ene Mkoma a dhani Mosi a di kona mmangoni, aha Mosi a nga kwela.

Eksodha 19:18

Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Genesisi 11:5

Sekoko Mkoma, ngu konaho, a to relela, kasi kuya wona didhoropa ni txitezi txi vanana va vathu va nga ti aka.

Eksodha 34:2

Zumba u di ti lulamisete ti to mangwana ni mixo u nata kwela mmangoni ka Sinayi, u txi ya ni verela kona, txitimwi ka mmango.

Joxuwa 3:5

Joxuwa a to khene kambe ka vathu: “Ti sawulekiseni, nguko mangwana Mkoma a na maha sidiwukiso hagari kwanu.”

Nehemiya 9:13

U txhikile txitimwi ka mmango wa Sinayi, u womba-womba navo u di nzumani, u va ningile wululamo wa wunene ni milayo ya ditshuri, sileleto ni sirumo sa sinene.

Eksodha 24:16

Se kuphatima ka Mkoma ku to maneka txitimwi ka mmango wa Sinayi, direfu di to wu fenengeta, mtxhanu wa masiku ni dimwedo; se ngu ditshiku da wutxhanu ni mambidi, Mkoma a to dhana Mosi, a di mndani ka direfu.

Eksodha 24:17

Se kuphatima ka Mkoma txitimwi ka mmango, masoni ka vanana va ka Israyeli, ku to wonekisa kufana ni mndilo wu tshokomisako.

Dhewuteronome 4:10

Ka ditshiku dile mi nga ema masoni ka Mkoma, Txizimu txanu, mmangoni ka Horebhi, Mkoma a to khene kwangu: “Tshanganisa vathu ngu ditina dangu, kasi ku va txi engisa mapswi angu, ti to ve gonda ku ni thava yotshe mbimo ya kuhanya kwawe ha ditikoni, ni ti to ve ma gondisa ka vanana vawe.”