Eksodha 18:7 - Bhiblia Yo Sawuleka

⁷ Sekoko Mosi a to huma e hingeta msade wakwe, a txi ya khizama masoni kwakwe e mpswopswa, va to khambana thenga, se ve wulela ditendani.

Eksodha 18:7 Referans Kwoze

Genesisi 29:13

Se ngako Labhani a di engisile ti to Jakobe, mwanana wa ndiyakwe, a to tutuma e m'hingeta, e mkhutarela ngu mawoko, a txi mpswopswa, e tsula nayo nyumbani kwakwe. Se Jakobe a to xawutela ka Labhani totshe ti ti nga maheka.

1 Vafumeli 2:19

Ngu konaho Bhate-Xebha a tota ka mfumeli Solomoni, a txi ta tshunda kuwomba Adhoniya, se mfumeli a to khukha eya tshangana nayo, a txi nama masoni kwakwe; se a to khalahatsha txikhaloni kwakwe ka wukoma, a to rumisa ku ku txi vekwa txitulu txa mame wa mfumeli ngu didhawa da txinene, a to khalahatsha ka txona.

2 Samuwele 11:7

Mbimo yile koko Uriya a nga ta, Dhavhidha a to wotisa taku, o txani Jowabhi, ni vathu, ni ma tsimbilelo a yimbi.

Genesisi 19:1

Ni minova, tingelozi timbidi ti to hoka Sodhoma, Loti a di khalahatshile ha txikeni ka didhoropa. Mbimo yi Loti a nga ti wona, a to khukha e ti hingeta, se a to nama hahatshi,

Genesisi 18:2

Se a to gula maso, e wona majaha mararu ma di emile, hafuhi kwakwe, neti a nga va wona, a to khukha ha txikeni ka ditenda dakwe e va hingeta, se a to ti wisa hahatshi masoni kwawe

Genesisi 14:17

Mbimo yi Abramu a nga wuya, msana ka kuva a di khozisile Kedhorolawomeri ni vafumeli vale a nga ti pfana navo, mfumeli wa Sodhoma a to m'hingeta libalani ka Savhe (i ku libala la mfumeli.)

Mithumo 28:15

Vanathu va didhoropa dile, ngako va di zivisilwe ta kubwaka kwathu, va to hi hingeta ve hoka mthandani ka Apiyo, ni ka wukhalo wu wu dhanwako ku i “Mawetela a Mararu.” Ngako Paulo a di va woni, a to bonga ka Txizimu e tsanisa mbilu.

Mithumo 20:37

Votshe va to khata kudila ngutu, va txi demberela m'thamoni ka Paulo,

Luka 7:45

Awe khwa ni pswopswa, kambe ene, kukhukhela ni wulela hawa, kha leki ku ni pswopswa mikondo.

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

Valamuli 11:34

Mbimo yi Jefta a nga ti wuya m'tini kwakwe ka Misipa, mwanana wakwe wa dihorana a to huma a txi ya mu hingeta na a txi sinya ni kuveta singomana. I ti ti mwanana wakwe wammweyo ekha wa dihorana, hahanze kwakwe a ti sina mmwani mwanana wa mfana hambi wa dihorana.

Mitengo 22:36

Mbimo yi Bhalake a nga ziva ti to Bhalahamu wata, a to m'hingeta, ngu didhawa ka Iri-Mowabhi, m'hinganoni ka Arnoni, magwito ka ditiko dakwe.

Genesisi 46:29

Sekoko Josefa a to lulamisa txikotxikani txakwe a txi kwela ka txona, e hingeta tate wakwe Israyeli, ditikoni ka Goxeni. Mbimo yi a nga mu wona, a to ya khutarela tate wakwe ngu thamoni kwakwe, a txi mpswopswa, e maneka a txi dila mbimo yo lapha, a di khutarete tate wakwe mawokoni kwakwe.

Genesisi 45:15

Josefa ngu msana ka kona a to pswopswa vanawe votshe, a txi va khutarela ngu diganda, na a txi dila. Msana keto, ngu kona vanawe va nga sikota kuwombawomba nayo.

Genesisi 31:28

Kambe khwa ni leka ni txi pswopswa vanana vangu ni vatukulu vangu. Ngu ditshuri, ati u nga ti maha nda wuphukuphuku!

Genesisi 43:26

Mbimo yi Josefa a nga wulela nyumbani, va to mninga siningo si va nga ti naso, se va to khizama hahatshi, masoni kwakwe.

Eksodha 4:27

Ti di ngeto, Mkoma a wombile ka Aroni a txi khene: “Tsula u txi hingeta Mosi txiwulani.” Aroni a to khukha a txi tsula, eya manana nayo mmangoni ka Txizimu, a ha a nga mlosa ngu ku mpswopswa.

Eksodha 18:6

A to womba ka Mosi a txi khene: “Ani Jetro msade wako, ni ta kwako, ni msikati wako ni vanana vako vavambidi.”

Eksodha 33:7

Se Mosi a to teka ditenda a txi ya di gwimba hahanze, kule ni wugovelo, ve di ningile ditina daku ditenda da msengeletano. Ni votshe vale va nga ti lava ku wotisa mhaka ka Mkoma, ayile yi nga ti va karata, va ti ti ya ka ditenda da msengeletano, hahanze ka wugovelo.

1 Samuwele 17:18

Aniko teka digumi da magadi a masi u ya ninga mthangeli wa mabutho, kambe u naya txisela vakomwako, u xola taku mwendo va hanya kha kwati; se u na ya wuya ni txi tsaniso txa kona.

1 Samuwele 17:22

Se Dhavhidha a to leka mrwalo wakwe manzani ka muwoneleli wa thundu, e tutumela kuya yimbini; se a di hokile a to wotisa vakomwakwe taku mwendo va wuka kha kwati.