Eksodha 18:4 - Bhiblia Yo Sawuleka

⁴ Ani mmwenyane i ti Eliyezeri, nguko a ti khene: “Txizimu txa tate wangu, txi ni hulukisile ka ditxhari da Faro.”

Eksodha 18:4 Referans Kwoze

Vahebheru 13:6

Ngu toneto, ha sikota kuwomba ngu kutsana hi txi khathu: “Mkoma ngene txivhuno txangu, kha ni na mbi thava txilo; m'thu a nga ni maha txani kani?”

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Mithumo 12:11

Se ene, ngako a di ambulukile, a to khene: “Konkuwa se na tiziva ngu ditshuri ti to Mkoma a rumete ngelozi yakwe yi ta ni hulukisa manzani ka Herodha ni kuwonelelani ka dibutho da Vajudha.”

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

Masalmo 34:4

Ni lavile Mkoma, se ene a ni xamute, a txi ni hulukisa kambe, aha ka dizowa dangu.

Masalmo 18:48

txa ni hulukisa ka valala vangu. Awe, Mkoma, wa ni guleta txitimwi ka valala vangu u txi ni hulukisa ka vale va ku ni tshofu.

Masalmo 18:1

Ni na kuranda ngu mbilu yangu, Mkoma, Awe u mtamo wangu.

1 Makronika 23:15

Sekoko vanana va Mosi i Gerisoni ni Eliyezeri.

Eksodha 2:15

Faro a di engisile mhakeyo, a to ruma ti to Mosi a txi ñolwa kasi ku e m'daya. Aniko Mosi a to thava masoni ka Faro, e tsula ditikoni ka Midhiyani, amu a nga ya zumba hafuhi ni txisima.

Mithumo 7:29

Se ka dona dipswi diya, Mosi a to thava eya maha muwuyi ditikoni ka Midhiyani; koneyo a ti ya veleka vanana vambidi va sizambiana.

Vahebheru 11:34

va timile midhikila ya mndilo, va hulukile kudawa ngu matxhari, amu ka dikhodho va mani mtamo, va hindukile ve maha tindena yimbini, va tovete mitxawa ya tiyimbi ta valala.

Genesisi 49:25

Txizimu txa tate wako txi na kuvhuna, ni wu wa Mtamo-wotshe awu a no ku katekise: Ngu makatekwa a kuta ngu txitimwi nzumani, ni makatekwa a kuhokomani, ma ku hahatshi ni makatekwa a titshumbu, ni mrumbuni.

Eksodha 2:22

Sekoko Zipora a to veleka mwanana wa mfana, awu ene Mosi a nga mraya ditina daku ngene Gerisoni, nguko a ti khene: “Ni mluveli ditikoni ka vane.”

Eksodha 4:20

Mosi koko, a to teka msikati wakwe ni vanana vakwe a txi va gadhisa mbongola a txi tshumela a txi ya ditikoni ka Egipta. Mosi a to teka ndonga ya Txizimu a txi yi ñola manzani kwakwe.

1 Makronika 23:17

Se mwanana wa Eliyezeri i ti mthangeli Reyabhiya; aniko Eliyezeri kha veleka vamwani vanana; kambe vanana va Reyabhiya va to handa ngutu.

Eksodha 10:28

Se Faro a wombile ka Mosi a txi khene: “Khukha hafuhi kwangu, aniko u nga swe u txi woneka kambe masoni kwangu, nguko ditshiku di u nota woneka khoheni kwangu, u na fa.”