Eksodha 18:27 - Bhiblia Yo Sawuleka

²⁷ Sekoko Mosi a to satisana ni msade wakwe, se a txi tsula ditikoni kwawe.

Eksodha 18:27 Referans Kwoze

Valamuli 19:9

Sekoko wamwamna wule a to khukha kasi ku a txi tsula, ene, ni txikaba txakwe, ni dijaha dakwe; se tate wa msikati wakwe, a to m'gela ku khene: “Wona taku ditambo diya kuswani, se wusiku wa hoka, na ku kombela taku u txi otela kambe kona hawa wusiku wuwa; nguko se ditshiku da guma, otela kona hawa wusiku wuwa, niku mbilu yako yi na tsake; se mangwana ni mabimbi-kutxa, mi na wuka mi txi tsula ditendani kwanu.”

Genesisi 31:55

Kambe Labhani a to wuka ni mixo ya mabimbi-kutxa, a txi pswopswa vanana vakwe va majaha ni vamahorana, a txi va katekisa; se a to khukha e tshumelela ka wukhalo wakwe.

Genesisi 24:59

Sekoko va to mtumelela mwanawe Rebheka, e tsula ni pheleketi yakwe, ni txithumi txa Abrahamu, ni vavamna vale.

Rute 1:7

Ti di ngeto, Nowemi a to khukha ka wukhalo wule a nga ti ti ka wona, ni vamane vakwe vavambidi. Se va to tshumelela ditikoni ka Judha,