Eksodha 18:23 - Bhiblia Yo Sawuleka

²³ Ngako u txi ti maha toneto, ni Txizimu txi txi kuruma, u na sikota kutsana; ngu kumaha keto, votshe vathu vava, va na tshumelela mitini kwawe ngu kuthutha.”

Eksodha 18:23 Referans Kwoze

Eksodha 18:18

Ngu ditshuri u na karala ngutu, awe ni vathu vava u ku navo, nguko mthumo wa nemela ngutu kwako; khu na kusikota ku wu thuma wekha.

1 Samuwele 8:22

Sekoko Mkoma a to khene ka Samuwele: Engisa dipswi dawe, u va emisela mfumeli. Sekoko Samuwele a to khene ka vanana va ka Israyeli: Mmwani ni mmwani a na tsule didhoropani kwakwe.

2 Samuwele 18:3

Kambe vathu va to kha vona: Khu na mbi huma, nguko hi txo kurumeteka kututuma, kha va na mbi wa ni mhaka ni nathu; hambi ku txo fa hafu kwathu, kha va na mbi va ni mhaka ni nathu, nguko u fana ni 10.000 kwathu; i txhuko ku u hi vhuna u di didhoropani.

Genesisi 18:33

Mkoma, ngako a di gwitile kuwombawomba ni Abrahamu, a to khukha e tsula, se Abrahamu a tshumete a txi wuya m'tini kwakwe.

Vagalatiya 2:2

Ni kwete ni txi ya kona ngu kutulelwa ngu Txizimu. Ni xawutete masoni kwawe Evhangeli yi ni txhumayelako ka vamatiko; ni wonani navo ngu phuho avale i ku vathangeli va hombe, ni txi va xawutela ni vona, ngu kuthava ti to ni nga tutuma mwendo ni nga va ni di tutumile mahala.

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.

2 Samuwele 21:17

Kambe Abhixayi, mwana Zeruiya, a to mlamulela ngu kuthola Mufilista e m'daya; sekoko vathu va Dhavhidha va to mxambanyela, va txi kha vona: Khu na mbi ngadi kambe u tsula ni nathu yimbini, kasiku u si timi dilambu da ka Israyeli.

2 Samuwele 19:39

Ngako koko, votshe vathu va di txhatukile Jordhani, se mfumeli nene a di txhatukile, mfumeli a to pswopswa Bharizilayi e mkatekisa; se ene e tshumela eya ka wukhalo wakwe.

Genesisi 30:25

Mbimo yi Rakeli a nga veleka Josefa, a to khene kha Jakobe ka Labani: “Ni tumelele ni txi tshumelela mwani kwathu, i ku ditikoni kwathu.

Eksodha 16:29

Pimisani ti to Mkoma a mi ningile Sabbata, ditshiku do humula; ngu mhaka yeto, ka ditshiku da wutxhanu ni dimwedo, wa mi rumela sakudya sa masiku mambidi. Ka ditshiku da wutxhanu ni mambidi, mmwani ni mmwani a na zumbe mu ditendani kwakwe asi humi hahanze ka dona.”

Eksodha 18:22

Vona va na thethisa vathu ka yotshe mbimo. Timhaka ta hombe va na ti tisa kwako, aniko totshe timhaka ta tidotho vona va na thethisa va txi ti heta. Ngu toneto, ti no ku hehukisela, nguko vona va na rwala mthumo kumweko ni nawe.

Eksodha 18:24

Se Mosi a to engisa dipswi da msade wakwe, a txi maha totshe ti a nga mkombisa.