Eksodha 18:21 - Bhiblia Yo Sawuleka

²¹ Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Eksodha 18:21 Referans Kwoze

Mithumo 6:3

Ndinene, vanathu, kukhedha hagari kwanu, mtxhanu wa majaha ni mambidi a kuthembeka ta tinene, na ma di tate ngu Moya wo Sawuleka ni wuzivi, kasiku hi va veka ve thuma mthumo wuwa.

Ezekhiyele 18:8

asi ningeliko male yakwe ngu kubhindulisa, asi amukeli ngu kupindisa, a vayilelisako dianza dakwe ka kwa mbi lulama, a lamulako m'thu ngu kululama masoni ka mmwani m'thu;

2 Samuwele 23:3

Kuwombile Txizimu txa ka Israyeli Dirigwi da Israyeli di wombile tiya kwangu: Ku nava ni mlulami wu a no fumela txitimwi ka vathu, a na fuma ngu kuthava Txizimu.

1 Timoti 3:3

i si nga disela mwendo m'thu wa mazunga, aniko a nave i di wo dikha, a si nga ni wukhuxu ni timbiti.

Zakariya 8:16

Ati mi dinganako kumaha tona ngu tiya: Wombawombani ditshuri mmwani ni mmwani ka mkwawe, lamulani ngu ditshuri ni kudikha sikenini kwanu.

Zakariya 7:9

Mkoma wa Mabutho a Tiyimbi a to womba, a txi khene: Mahani wululamo wa ditshuri, kombisani kudivalela ni wumbilu, mmwani ni mmwani ka mwanawe;

Ezekhiyele 22:12

Ku amuketwe siningo kasi kutheketa mnoha; so honyola ni so bhindulwa u tekile, u maha likungo ka mwakelani, u txi mkhozisa; kambe ani u ni divate, kuwomba Mkoma Txizimu.

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Mavingu 28:2

Ngu mhaka ya wuhambunyeti wa mafu, mbangi va lavako wuthangeli, aniko ngu mahaka ya vathu vo txhariha ni kupfisisa, ma na simama ma diho.

Masalmo 15:5

awule a txenekisako male yakwe asi lavi dibhindu, hambi awule asi tumeliko kuxavelelwa kasi kuninga mnandu m'thu wo mbi na txionho. Awule a mahako tona eto kha na mbi va ni kurereka.

Jobe 31:13

Ku ngako ni di dyelete khumbi yangu ya txiwamna ni ya txisikati, mbimo yi ti nga txi lwisana ni nani,

Jobe 29:16

ni ti ti tate wa sisiwana, ni londisela timhaka ta vale ni nga si va zivi;

Nehemiya 7:2

Ni to veka Hanani, mwanathu, ni Hananiya, wa hombe wa mkhokhola wa Jerusalema, nguko i ti wamwamna wo thembeka, wo thava Txizimu, kupinda votala;

Nehemiya 5:9

Ni engeta ni txi khani: Hi nga ta tinene ti mi ti mahako! Ina kha mi faneli kuthava Txizimu txathu, ngu mhaka ya tingana ta vamatiko, i ku valala vathu, kani?

1 Samuwele 8:3

Aniko vanana vakwe kha va tsimbila ngu tinzila takwe; kambe va to wekelela ka timale, ve tumela kuxawa, ve hambanisa wululamo.

Eksodha 18:25

Mosi a to sawula, ka votshe va ka Israyeli, vavamna va mapimo, a txi va veka kuve vathangeli va vathu: Vathangeli va digumi da mazana, vathangeli va dizana, vathangeli va mtxhanu wa magumi, ni vathangeli va digumi.

Genesisi 22:12

Sekoko Ngelozi yi to kha yona: “U nga sanzeke dianza txitimwi ka mfana, kambe u nga mmahe txilo; nguko se na tiziva tito, ngu ditshuri, wa txi thava Txizimu, nguko khwa ni lambela mwanana wako, mwanana wako wammweyo.”

Mithumo 20:33

Kha na navela male ya silivhela mwendo ya nzalama, hambi syambalo sa m'thu;

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Isaya 33:15

Awu a tsimbilako ngu kululama, kambe a wombawombako ngu wunene, a tshotshako kule ni nene kuhumelela ngu wutsindaveti, a zuzako ngu manzani kwakwe sotshe siningo; a tsivako tinzeve kasi asi engisi kuwombawombwa ngu mnoha, ni kutsiva maso kasi asi woni kubiha,

Genesisi 42:18

Kambe ka ditshiku da wuraru, Josefa a va gete ku khene: “Mahani tiya, mi na hanya, nguko ani ni thava Mkoma Txizimu.

Luka 18:4

Ngu mbimo yayingi, ene a lambile ku mu engisa. Msana keto, a to pimisa ene apune, a txi khene: ‘Hambiko ni si thaviko Txizimu, kambe ni si xoniphiko vathu,

Luka 18:2

“Didhoropani kokari, a ti ti ho mlamuli, awu a nga ti si nga ni txithavo ka Txizimu, kambe a ti si nga ni mhaka ni m'thu.

Isaya 16:5

Nguko txikhalo txa wukoma txi na tsaniswa ngu wumbilu, se txitimwi ka txona ku na zumba mlamuli, amu ditendani ka Dhavhidha, awu a no lamula, a lavako wululamo, kambe a kuluvetako kumaha ta tinene.

1 Vafumeli 18:12

Se ti ndi na maheka to, ni txi na khukha hawa kwako, Moya wa Mkoma wu txi kuteka, mwendo wu txi kuyisa hani, se ani ni txi tisa thenga ka Akabe, asi ku mani awe a na ni daya; ngukonaho, ani txithumi txako, ni thava Mkoma kukhukhela ka wufana wangu.

1 Vafumeli 18:3

Se Akabe a to dhana Obhadhiya, mthangeli. (Se Obhadhiya a ti ni txithavo ngutu ka Mkoma,

1 Samuwele 8:12

Se a na va veka kuva vathangeli va magumi a mazana ni va mtxhanu wa magumi; ni kuva vadimi va tithembwe takwe, ni kuelula siyalo sakwe, kambe va na mmahela matxhari a yimbi ni tisimbi ta sikotxikani sakwe.

Joxuwa 22:14

a di kumweko ni digumi da vathangeli, ka nyumba yimweyo ni yimweyo ya vatate vawe, mthangeli mmweyo, ka totshe tihunzu ta ka Israyeli; se mmweyo ni mmweyo i ti ti msungo wa nyumba ya vatate vawe, ka magumi a mazana a va ka Israyeli.

Mitengo 10:4

Se ngako ku txi vetwa mpundu wumwewo dwe, va na sengeletana kwako vathangeli, i ku misungo ya va magumi a mazana, a va ka Israyeli.

Genesisi 47:6

Ditiko da Egipta di mtamoni kwako: Akisa tate wako ni vananu, ka wukhalo wa wunene. Va na ake ditikoni ka Goxeni. Se ngako, u txi ziva ti to hagari kwawe ku ni vavamna va mtamo, u na va veka ve maha vahombe va mitxhambi ya sifuyo sangu.”

Mitengo 1:4

Dhanani wamwamna mmweyo ka lihunzu ni lihunzu, ava va nova vathangeli, ka nyumba ni nyumba ya vatate vawe.

Mitengo 1:16

Avava ngu va va nga dhanwa ka msengeletano, i ku vathangeli va tihunzu ta vatate vawe, misungo ya magumi a mazana a va ka Israyeli.

Dhewuteronome 22:18

Sekoko madhota a didhoropa ma na mteka wamwamna wule, ma txi ya mtsayisa,

Ezra 7:25

Se awe Ezra, madingano ni wuzivi wa Txizimu txako, wu ku manzani kwako, veka vatsimbitisi ni vale va no lamula votshe vathu va ku mtxhatuko ka mnambo, ka vale va zivako milayo ya Txizimu txako, mi gondisa ni vale va si yi ziviko.

Jobe 1:1

Ku ti ti ni wamwamna wokari ditikoni ka Uzi, ditina dakwe i ti ti Jobe; ene i ti wamwamna wa ditshuri, wo lulama, ni txithavo ka Txizimu; ni kuvayilela wubihi.

Masalmo 15:1

Mkoma, i mani a no zumba Dithepeleni kwako ko sawuleka kani? I mani a no zumba ka mmango wako wo sawuleka kani?

Eksodha 17:9

Konako Mosi a wombile ka Joxuwa, a txi khene: “Sawula vavamna kasiku, mangwana u nata huma u txi yalwa ni Vaamaleki; ani ni na zumba txitimwi ka mmango ni ndonga ya Mkoma manzani.”

2 Samuwele 18:1

Se Dhavhidha a to bala vathu vale a nga ti navo, e veka vathangeli va yimbi va 100 txitimwi kwawe.