Eksodha 18:19 - Bhiblia Yo Sawuleka

¹⁹ Konkuwa, engisa, mlayo wu ni kugelako, kasiku Txizimu txi txi va ni nawe: Emela vathu masoni ka Txizimu, u txi kombisa timhaka tawe ka Txizimu.

Eksodha 18:19 Referans Kwoze

Mitengo 27:5

Se Mosi a to teka timhaka e ti veka masoni ka Mkoma.

Dhewuteronome 5:5

Konako ani ni emile hagari ka Mkoma ni nanu, kasi ku ni mi gela dipswi da Mkoma, nguko mi ti ti ni dizowa ngu mndilo, ngu mhaka yeto kha ma kwela mmangoni. Ene a ti khene:

Eksodha 20:19

Va to womba ka Mosi, va txi kha vona: “Awe womba-womba ni nathu, hi na engisa; aniko txi nga womba-wombe Txizimu ni nathu, kasi ku hi si fi.”

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Genesisi 39:2

Mkoma a ti ti ni Josefa, ngu mhaka yeto, totshe takwe ti ti tsimbila kha kwati, e zumba a txi thumela nyumbani ka nyamne wakwe wa Muegipta.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Mavingu 9:9

Ninga gondo ka txhari, kasi ku yi na txhariha ngutu; gondisa wo lulama, se ene a na kula mu ka mapimo.

2 Samuwele 14:17

Txi ti ti kha txona kambe txithumi txako txa txisikati: Konkuwa dipswi da mfumeli, nyamne wangu, di na ni ninge kudikha; nguko nene mfumeli, nyamne wangu, a fana ni Ngelozi ya Txizimu, kuengisa ta ti nene ni to biha; aniko Mkoma, Txizimu txako, txi nave ni nawe.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Dhewuteronome 20:1

“Mbimo yi u no huma ku yalwa yimbi ni valala vako, ngako u txi wona mahantxhi ni sikotxikani ni vathu vavangi, vo pinda awe, u nga va thave, nguko Mkoma, Txizimu txako awu a nga kuhumisa ditikoni ka Egipta, ana ni nawe.

Eksodha 18:24

Se Mosi a to engisa dipswi da msade wakwe, a txi maha totshe ti a nga mkombisa.

Eksodha 18:15

Sekoko Mosi a to khene ka msade wakwe: “Nguko vathu va ta kwangu kasi ku wotisa ti to Txizimu txi womba txani ngu timhaka tawe.

Eksodha 4:16

Ene a na kutshunda womba-womba ka vathu wukhaloni kwako; a na va txisofu txako, se awe u na va Txizimu kwakwe.

Eksodha 4:12

Ngu toneto, tsula, konkuwa, ani ni na va ni nawe txisofuni kwako, kambe ni na kukomba ati u no bwabwata.”

Eksodha 18:20

Va gondise mithetho ni milayo, va mahe va txi ziva nzila yi yi ku ni fanelo, ati va felako ku ti londeta ni ku ti maha.