Eksodha 18:11 - Bhiblia Yo Sawuleka

¹¹ Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Eksodha 18:11 Referans Kwoze

Masalmo 95:3

Nguko Mkoma Njzimu txa hombe, kambe Mfumeli wa hombe txitimwi ka sotshe sizimu.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

2 Makronika 2:5

Se nyumba yi ni ku na yi aka yi na va ya hombe, nguko Txizimu txathu nja hombe kupinda sizimu sotshe.

Luka 1:51

A thumile ta hombe ngu diwoko dakwe, a hangalasile ava va nga txi ti kukumukisa ka mialakanyo ya timbilu tawe.

Masalmo 135:5

Nguko ani na tiziva ti to Mkoma mbwa hombe, ni ti to Txizimu txathu txi txitimwi ka sotshe sizimu.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Masalmo 97:9

Nguko awe, Mkoma, u mfumeli wa otshe mafu, u txitimwi ngutu ka sotshe sizimu.

1 Makronika 16:25

Nguko Mkoma mbwa hombe; a fanela kudhumiswa ngutu, wa thaviseka kupinda sotshe sizimu.

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Masalmo 119:21

Awe wa kawuka avale va ti guletako; avale va ti vangelako dikhombo ngu ku ti hambanisa ni sirumo sako.

Nehemiya 9:10

U kombisile sixamaliso ni sidiwukiso ka Faro, ni ka sotshe sithumi sakwe, ni ka vathu votshe va ditiko dakwe, nguko wu ti zivile ti va nga xanisisa tona vathu vako, se ngu kumaha keto u ti manete ditina, kufana ni ti ti wonekako nyamsi.

2 Vafumeli 5:15

Sekoko a to tshumelela ka m'thu wa Txizimu, ene ni votshe vale a nga ti ti navo, e ta bwaka masoni kwakwe a txi khene: Wona taku na tiziva taku ha mafuni kotshe kha ku na txizimu, hahanze ka Txizimu txa Israyeli. Konkuwa ni kombela u amukela txibongelo txa txithumi txako.

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Masalmo 31:23

Randani Mkoma, anu motshenu mi ku sirandwa sakwe! Mkoma a vhikela avale va mthembako, aniko wa tsayisa ngutu avale va mu eyisako.

Nehemiya 9:29

Se u va laya ti to ve tshumelela ka mlayo wako; aniko vona va to ti kulisa, va si engisi sirumo sako, ve onhela wululamo wako, awu ngako m'thu a txi wu londisa a na hanya.

Nehemiya 9:16

Hambi keto vona, vatate vathu va to ti kulisa, ni ku ti nemelisa kuthumani kwawe, va si engisi milayo yako.

1 Vafumeli 17:24

Sekoko wamsikati a to khene ka Elija: Se na tiziva koko taku u m'thu wa Txizimu, ni ti taku dipswi da Txizimu txisofuni kwako ditshuri.

1 Samuwele 2:3

Mi nga andiseni mapswi o tikulisa, ni mapswi o ti guleta ma nga hume sisofuni kwanu; nguko Mkoma, Njizimu txa wutxhari, ene wa veka mithumo yathu ha txikaloni.

Eksodha 14:18

Se Vaegipta va na tiziva ti to ani ngani Mkoma, ka mbimo yi ni no dhumiswa ka Faro, ka sikotxikani sakwe ni ka vagadhi vakwe va mahantxhi.”

Eksodha 14:8

Mkoma a to bangisa mbilu ya Faro, mfumeli wa Egipta, se ene a to londeta vanana va ka Israyeli, mbimo yi vona va nga ti huma ngu diwoko da wundena.

Eksodha 12:12

Ka wusiku wonewo ni na pinda ditikoni ka Egipta kambe ni na daya otshe matiwula a vanana va ditikoni ka Egipta, kukhukhela ka vathu kala ka sifuyo; kambe ni na lamula sizimu sotshe sa Egipta, nguko ani ngani Mkoma.

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

Eksodha 5:7

“Kukhukhela kuwa, mi nga sweni mi va ninga mwasi kambe vathuvo, kasiku ve maha sitini, nga nyamnova ni nyatulo. Vona vapune va na dule va txi ti rwalela kambe mwasi.

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Eksodha 1:16

“Nga ti mi txi hefemulisa va sirumbu sa vasikati va Vahebheru, wonisisani vanana va kona. Nga ti i di mfana, dayani; aniko i di mwanana wa dihorana, mlekeni e hanya.”

Eksodha 1:10

He thumiseni wutxhari kasiku hi si va leki ve anda, nguko hahanze ka toneto, ka mbimo ya yimbi, va na tatisa mtengo wa valala vathu, va txi hi lwisa, ngu msana va txi huma mu ditikoni.”

Mitengo 33:4

Vaegipta va to kelelela vale va nga ti datwe ngu Mkoma, ka otshe matiwula, se Mkoma a to lamula sizimu sawe.