Eksodha 18:1 - Bhiblia Yo Sawuleka

¹ Jetro, mphaxeli wa Midhiyani, msade wa Mosi, a to engisa totshe ti Txizimu txi nga maha ka Mosi ni ka Israyeli, i ku vathu va txona; ngako Mkoma a nga ti humisile Israyeli ngu Egipta.

Eksodha 18:1 Referans Kwoze

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Eksodha 2:16

Se Jetro, mphaxeli wa Midhiyani a ti ni mtxhanu wa vanana ni vambidi vamahorana. Vona va to ya kuya reka mati, ve tata mikawu kasi kuninga mitxhambi ya tate wawe yi sela.

Mithumo 14:27

Ngako va di hokile, va to tshanganisa Dibanza, va txi txhamusela totshe ti Txizimu txi nga thuma ngu vona, ni tiya txi nga tulelisa tona vamatiko ditimba da likholo.

Zakariya 8:23

A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.

Masalmo 106:2

I mani a sikotako kuxawutela mithumo ya hombe ya Mkoma? I mani a sikotako kupfalisa wotshe wudhumo wakwe kani?

Masalmo 105:43

Se txi humisile vathu va txona va di tsakile vasawuleki va txona va txi peka mikulungwani.

Masalmo 78:4

Kha hi na mbi sisela situkulwana sathu; totshe hi na xawutela ka tiveleko ti titako ta kupfaliswa ka Mkoma ni mtamo wakwe ni ta sidiwukiso si ene a nga si maha.

Masalmo 44:1

Txizimu, athu hipune hi ti engisile va txi xawuta atile hi nga gelwa ngu vakale vathu sidiwukiso si u nga si maha ka masiku a kuhanya kwawe.

Masalmo 34:2

Mkoma ngene wudhumo wangu! Vathu va i ku sisiwana va na engisa, kambe va na tsaka ngu mhaka ya toneto.

Joxuwa 9:9

Se va ka Gibheyoni va to mxamula, va txi kha vona: Sithumi sako sita ngu ka ditiko da kule ngutu, ngu mhaka ya ditina da Mkoma, Txizimu txako, nguko hi pfite nduma yakwe, ni totshe ti a nga maha kona Egipta;

Joxuwa 2:10

Nguko hi ti nga pfa taku Mkoma a phwisile mati a Linene lo Bhilivila masoni kwanu, mbimo yile mi nga huma ngu Egipta, ni ti mi nga maha ka vafumeli vambidi va Vaamori, ka Seyoni ni ka Oge, avale va nga ti ti mtxhatuko ka Jordhani, evo mi nga va lovisa.

Varoma 15:18

Nguko nga ni si tsani kuwomba txilo, hahanze ka tile Kristu a nga ti maha ngu ngani, ti to tisa vamatiko kuengisani, ngu mapswi ni mithumo,

Mithumo 15:12

Sekoko konaho, msengeletano wotshe wu to malala; vathu va txi engisa Bharnabhasi ni Paulo, ngako va txi xawutela sixamaliso ni sidiwukiso si Txizimu txi nga si maha ngu vona hagari ka vamatiko.

Jeremiya 33:9

Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.

Masalmo 105:5

Alakanyani mithumo yakwe ya kuxamalisa, sidiwukiso sakwe ni kulamula ka txisofu txakwe,

Valamuli 4:11

Se Hebheri, mkeni, a ti ti hambanisile ni Vakeni-kulowe, i ku vanana va Hobhabhe, tate wa Mosi ngu ka msikati wakwe, kambe a ti ti gwimbile matenda akwe, kala mkusuni ka Zahananimi, hafuhi ni Kedhesi.

Mitengo 10:29

Sekoko Mosi a to khene ka Hobhabhe, mwana Reweli, mmidhiyani, tate wa Mosi ngu ka msikati wakwe: “Athu hiya ka wukhalo wule Mkoma a nga khene: Ni na mi ninga; a hi tsule hotshe, athu hi na kuxayisa kha kwati; nguko Mkoma a thembisile kumaha wunene ka Israyeli.”

Eksodha 4:18

Sekoko Mosi a to khukha a txi ya ka Jetro msade wakwe, a txi ya m'gela tiya: “Na kombela u txi ni leka ni tsula ditikoni ka Egipta, kasi kuya wona vanathu, mwendo va ngadi va txi hanya.” Jetro a mxamute a txi khene: “Tsula ngu kuthutha.”

Eksodha 2:21

Mosi a to tumela kuzumba m'tini ka Jetro, awu a nga ninga Mosi, Zipora, mwanana wakwe wa dihorana kasiku e tekana nayo.

Eksodha 2:18

Vona va to tshumela ve tsula ka tate wawe, awu a nga ya va wotisa, a txi khene: “Ngu kutxani nyamsi mi kuluveta kuwuya kani?”

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Valamuli 1:16

Se ni vona vanana va ka Hobhabhe, Mkeni, wu i nga ti tate wa Mosi ngu ka msikati wakwe, va to khukha ngu didhoropani ka Mitxhese, kumweko ni vanana va ka Judha, veya txiwulani ka Judha, ku ku wulambwe ka Aradhi; va txi ya zumba ni vathu va kona.