Eksodha 17:7 - Bhiblia Yo Sawuleka

⁷ Se wukhalo wule a wu rayile ditina daku Masa ni Meribha, ngu mhaka ya ku phikiza kwawe vanana va ka Israyeli ni mhaka ya kuduka Mkoma, va txi kha vona: “Ina Mkoma waho mwendo kha nga ho hagari kwathu kani?”

Eksodha 17:7 Referans Kwoze

Masalmo 81:7

Kuxanisekani kwako, u ni dhani ni ta kuhanyisa; ni ku angute, ni di direfuni ka txingwalangwanda, awe u nga ni duka matini ka Meribha.

Masalmo 95:8

“Mi nga bangiseni timbilu tanu, kufana ni vakale vanu ditikoni ka Meribha; ku nga ditshiku dile va nga ti txiwulani ka Masa,

Mitengo 20:13

Aawa mati nga Meribha, ahawa vanana va ka Israyeli, va nga ya ni Mkoma. Ngu konaho kambe a nga va komba kusawuleka kwakwe.

Dhewuteronome 9:22

Kambe mi henyisile Mkoma, kona Tabhera, ni Masa, ni Kibroti-Hatahava.

Eksodha 17:2

Sekoko vathu va to phikizana ni Mosi, va txi kha vona: “Hi ninge mati o sela.” Mosi a va xamute a txi khene: “Ngu kutxani mi txi phikizana ni nani kani? Ngu kutxani mi txi duka Mkoma kani?”

Mitengo 20:24

Kukhukhela kuwa, Aroni a na ya ti tshanganisa ni va ka kwawe, nguko ene kha na mbi sikota kuya wulela ka ditiko di ni nga ningela ka vanana va ka Israyeli; nguko mi kanetile dipswi dangu, a ni ka mati ka Meribha.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Joxuwa 22:31

Koneko Finiyasi mwana Eleyazari, mphaxeli, a to womba ka vanana va ka Rubheni, ni ka vanana va ka Gadhi, ni ka vanana va ka Manasi, a txi khene: “Se ha tiziva nyamsi ti to Mkoma a hagari kwathu, nguko anu kha maonhela Mkoma ngu mhakeyo, aniko, mi hulukisile vanana va ka Israyeli ka txitsayiso txa Mkoma.”

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Eksodha 34:9

a txi khene: “Mkoma, ngako ani ni di mani kukateka masoni kwako, tsimbila kumweko ni nathu, hambiko vathu vava i ku va misungo yo banga, divalela wubihi wathu ni sionho sathu, u txi hi fuya, hi va thomba yako.”

Mitengo 14:22

Kambe votshe vathu ava va nga wona kuphatima kwangu, ni sixamaliso si ni nga si maha kona Egipta, ni mu txiwulani, va nga ni duka digumi da sikhati; kambe vathu vava kha va engisi dipswi dangu,

Mitengo 27:14

Ngako mi nga ni eyisa txiwulani ka Zimi, kuhenyani ka msengeletano, mbimo yi ni nga ruma ku u ni phaxela matini, masoni kwawe: (Awa mati a Meribha wa Kadhesi, txiwulani ka Zimi).

Dhewuteronome 6:16

Mi nga dukeni Mkoma, Txizimu txanu, nga kule mi nga m'duka kona Masa.

Dhewuteronome 33:8

Ngu didhawa da Levhi, ene a ti khene: Simaha sako so sawuleka sa Tumime ni Urime, si ningetwe ka msawuleki walo, awule a nga m'duka kona Masa, awule u nga kanetisana nayo matini ka Meribha;

Masalmo 78:18

Va lavile kuduka Txizimu, ve kombela sakudya, so tsakisa kunavela kwawe.

Masalmo 81:8

Engisani, vathu vangu, sileleto sangu; oh idiku wo ni engisa, Israyeli!

Masalmo 106:32

Va to henyisa Txizimu kambe milongani ka Meribha, se ngu mhaka yawe, Mosi a tsayisilwe,