Eksodha 17:3 - Bhiblia Yo Sawuleka

³ Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”

Eksodha 17:3 Referans Kwoze

Eksodha 15:24

Se vathu va to ngungurukela ve wukela Mosi, va txi kha vona: “Se hi na sela txani kuwa kani?”

Eksodha 12:38

Ku to huma kumweko navo dibutho da hombe da vathu va tixaka to hambana, ni tinvuta ni tihomu, ni simwani sihari sasingi ngutu.

Mitengo 14:22

Kambe votshe vathu ava va nga wona kuphatima kwangu, ni sixamaliso si ni nga si maha kona Egipta, ni mu txiwulani, va nga ni duka digumi da sikhati; kambe vathu vava kha va engisi dipswi dangu,

Mitengo 20:4

Se ngu kutxani mi nga neha msengeletano wa Mkoma amu txiwulani, kasi ku ta fela muwa, nguko athu ni sifuyo sathu kha hi nga ni mati kani?

Eksodha 14:11

Va wombile ka Mosi va txi kha vona: “Ina ditikoni ka Egipta ku ti si nga ni maphala, eko u nga hi thavisa kasi ku hi txi ta fa mu txiwulani kani? Ngu kutxani u txi maha toneto kani? Ngu kutxani u nga hi thavisa ditikoni ka Egipta kani?

Nehemiya 9:15

Se u va ningile sakudya sa nzumani kasi kuve mana kumalata nzala yawe, ni mati o huma dirigwini kasi ku tima ditora dawe. Kambe u va leleta kuve wulela ve teka ditiko dile u ngadi gulela dianza u txi khawe u na va ninga.

Nehemiya 9:20

Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.

Masalmo 107:5

va pfite nzala ni ditora; mahika awe me khata kurereka.