Eksodha 17:2 - Bhiblia Yo Sawuleka

² Sekoko vathu va to phikizana ni Mosi, va txi kha vona: “Hi ninge mati o sela.” Mosi a va xamute a txi khene: “Ngu kutxani mi txi phikizana ni nani kani? Ngu kutxani mi txi duka Mkoma kani?”

Eksodha 17:2 Referans Kwoze

1 Vakorinto 10:9

Hi nga dukeni Mkoma, nga vamwani va nga mu duka, se ngu toneto ve fa ngu kulumetelwa ngu minyoka.

Masalmo 78:41

Va to tshumelela msana, ve duka Txizimu; sambe va kanakanile ngu wo Sawuleka wa ka Israyeli!

Masalmo 78:18

Va lavile kuduka Txizimu, ve kombela sakudya, so tsakisa kunavela kwawe.

Dhewuteronome 6:16

Mi nga dukeni Mkoma, Txizimu txanu, nga kule mi nga m'duka kona Masa.

Vahebheru 3:9

Ahawa vatate vanu va nga ni duka kona, kasiku va txi ni xola, ve wona mithumo yangu, mndani ka mune wa magumi a malembe.

Isaya 7:12

Aniko Akazi a to khene: Kha ni na mbi kombela txilo, hambi kuduka Mkoma.

Matewu 4:7

Se Jesu a to mxamute a txi khene: “Ti bhatwe kambe va txi kha vona: Khu na mbi duka Mkoma Txizimu txako.”

Masalmo 95:9

mbimo yi vona va nga ni duka; va ni xote, aniko va woni mithumo yangu.

Mitengo 21:5

Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

Mithumo 15:10

Se konkuwa mi dukela txani Txizimu ngu kulava kurweka vagondiswa mpakato wu vatate vathu ni nathu hi si sikotiko ku wu rwala kani?

Mithumo 5:9

Sekoko Pedro a txi khene kwakwe: “Mi tumelelanisile kutxani kuduka Moya wa Mkoma kani? Wona mikondo ya va va nga tshotsha mwamna wako, ndiye ha txikeni hawa; na nawe va na kuteka.”

Luka 4:12

Jesu a to xamula a txi khene: “Ti wombilwe tito: ‘U nga thuke u txi duka Mkoma, Txizimu txako.’ ”

Malakiya 3:15

Sekoko athu hi wona kukateka ka va vo tikulisa; ni vale va mahako to biha va humelela, ina, vona va duka Mkoma, kambe va huluka.

Masalmo 106:14

Va di txiwulani, va to xengwa ngu minavelo yo biha, ve duka Txizimu kona.

Masalmo 78:56

Aniko Vaisrayeli va dukile Txizimu Nyatxitimwi, ve txi wukela, va si vekisi milayo ya txona.

Mitengo 14:22

Kambe votshe vathu ava va nga wona kuphatima kwangu, ni sixamaliso si ni nga si maha kona Egipta, ni mu txiwulani, va nga ni duka digumi da sikhati; kambe vathu vava kha va engisi dipswi dangu,

Eksodha 17:7

Se wukhalo wule a wu rayile ditina daku Masa ni Meribha, ngu mhaka ya ku phikiza kwawe vanana va ka Israyeli ni mhaka ya kuduka Mkoma, va txi kha vona: “Ina Mkoma waho mwendo kha nga ho hagari kwathu kani?”

Luka 15:12

Mnanda wa kona a tile ka tate wakwe a ta khene: ‘Tata, ni ninge txyavelo txa thomba, atxi txi ni lumbako.’ Se tate a va avete thomba votshe va vambidi.

Eksodha 15:24

Se vathu va to ngungurukela ve wukela Mosi, va txi kha vona: “Se hi na sela txani kuwa kani?”

1 Samuwele 8:6

Kambe dipswi e do di manekile di di bihile masoni ka Samuwele, mbimo yile va nga kha vona: Hi ninge mfumeli, kasiku e hi lamula. Se Samuwele a to maha mkombelo ka Mkoma.

Mitengo 14:2

Votshe vanana va ka Israyeli va to ngungurukela ve wukela Mosi ni Aroni, va txi kha vona: “I ti txhuko kuva hi di fete ditikoni ka Egipta! Mwendo hi di fete txiwulani muwa!

Eksodha 5:21

Va to va gela va txi kha vona: “Mkoma a na mi wonisise a txi mi thethisa! Nguko mi hi mahete dibava masoni ka Faro ni masoni ka sithumi sakwe, mi vekile ditxhari manzani kwawe kasi va txi hi daya ngu dona!”

Eksodha 16:8

Mosi a to womba kambe a txi khene: “Minova yiya Mkoma a na mi ninga nyama midya, se ni mixo, a na mi ninga sakudya si mi no khura ngu sona, nguko a engisile kungungurukela kwanu ngu mhaka yakwe. Nguko athu, hi vamani kani? Kungungurukela kwanu hi ngako wukela athu, aniko ngo wukela Mkoma.”

Masalmo 95:8

“Mi nga bangiseni timbilu tanu, kufana ni vakale vanu ditikoni ka Meribha; ku nga ditshiku dile va nga ti txiwulani ka Masa,

Masalmo 106:13

Aniko va kuluvetile ve divala mithumo ya Txizimu se kha va rinzela kuwona makungo a txona.

Dhewuteronome 9:22

Kambe mi henyisile Mkoma, kona Tabhera, ni Masa, ni Kibroti-Hatahava.