Eksodha 17:14 - Bhiblia Yo Sawuleka

¹⁴ Sekoko Mkoma a to womba ka Mosi a txi khene: “Bhala timhaka tiya amu ka dibhuku kasi ku ti maha txialakanyiso, u gela Joxuwa tito, ni na lovisa maalakanyo a Amaleki, hahatshi ka nzuma.”

Eksodha 17:14 Referans Kwoze

Eksodha 34:27

Mkoma a wombile kambe ka Mosi a txi khene: “Bhala mapswi awa, nguko ni mahile ngu ona txitumelelano kumweko ni nawe ni va ka Israyeli.”

1 Samuwele 30:17

Se Dhavhidha a to va xasela, kukhukhela ni mixo kala ni minova ya mangwananani ka kona, kha ka huluka ni wammweyo, hahanze ka 400 wa majaha dwe ale ma nga gadha makamelu, me tutuma.

1 Samuwele 30:1

Ku to maheka koko taku, mbimo yile Dhavhidha ni vathu vakwe va nga hoka didhoropani ka Zikilage ngu ditshiku da wuraru, Vaamaleki va ti xasete Wulambwe ni didhoropa da Zikilage, va ti hoxotile didhoropa da Zikilage, ve di hisa ngu mndilo.

2 Samuwele 8:12

Sa Siriya, sa Mowabhi, sa vanana va ka Amoni, sa Vafilista, sa Vaamaleki, ni sile va nga handa ka Hadhadhezeri, mwana Reyobhe, mfumeli wa Zobha.

Mitengo 24:20

Se mbimo yile Bhalahamu a nga wona Vaamaleki, a to thula ndando yakwe a txi khene: Amaleki ngene wo khata ka yotshe mifumo. Kambe ngu magwito ka kona, ngene a nga loviswa.

Jobe 18:17

Maalakanyo akwe ma na lova mafuni, ditina dakwe kha di na mbi maneka mithandani.

Eksodha 24:4

Se Mosi a manekile a txi bhala otshe mapswi a Mkoma, se ni mixo a to khukha eya aka txiluvelo hafuhi ka mmango, ni tiphande ta digumi ni timbidi ta marigwi, a txi dinganisa tihunzu ta digumi ni timbidi ta va ka Israyeli.

Eksodha 13:9

Txi nava i di txialakanyiso manzani kwanu, ni ha mbanza kwanu, kasiku Mlayo wa Mkoma wu txi zumba sisofuni kwanu; nguko Mkoma a mi humisile ditikoni ka Egipta ngu dianza da mtamo.

Eksodha 12:14

Ditshiku diya di na va txialakanyiso, kambe mi na di vekisa di txi va ditshiku da m'buso wa hombe, do dhumisa Mkoma; ka tiveleko tanu di na vekiswa; di na va mthetho wa kala kupinduka.

Mavingu 10:7

Ku alakanywa ka wo lulama ku katekile, aniko ditina da vaonhi di na sina.

Masalmo 9:6

Valala va fite, va lovile kala kupinduka; u khundumusete madhoropa awe, kuwalo wu a no va alakanya kambe.

Jobe 19:23

Mapswi angu konkuwa, ngu nga ma no mana kubhalwa! Nga ku na bhalwa amu ka dibhuku!

Ezra 9:14

ina hi na engeta kambe kuwa, hi ndaka sirumo sako ni ku ti patanisa ni vathu va manyala kani? Ina khu na kuhenya awe kuwa, u hi wukela ni ku hi heta hotshethu, kuza ku si sali ni wammweyo wo huluka kani?

1 Makronika 4:43

Kambe va to daya miboti ya Vaamaleki vale va nga huluka, se ve aka koneyo, kala ka ditshiku da nyamsi.

2 Samuwele 1:1

Se msana ka kufa ka Sawule, na a di wile Dhavhidha ngu kuya xula Vaamaleki, a to ta zumba masiku mambidi kona Zikilage.

1 Samuwele 15:18

Mkoma a kurumete ka nzila yiya, a txi khene: Tsula, u ya xasela vaonhi vava Vaamaleki, va txi bhi, u lwa navo kala kuza u vaheta.

Joxuwa 4:7

Sekoko mi na va gela ku khanu: “Mati a mnambo wa Jordhani ma to abaneka masoni ka dibhokiso da txitumelelano txa Mkoma, mbimo yi dibhokiso wu nga txi tshawunyeta Jordhani, ngu kumaha keto, marigwi awa, ma na maha txialakanyiso ka vanana va ka Israyeli, ngu ha ku si gwitiko!”

Dhewuteronome 31:9

Se Mosi a to bhala mlayo wuwa, e wu ningela ka vaphaxeli, vanana va Levhi, avale va nga ti rwala dibhokiso da txitumelelano txa Mkoma, kumweko ni otshe madhota a va ka Israyeli,

Mitengo 33:2

Se Mosi a bhate ngu kuhuma kwawe, madingano ni mapfhumba awe, nga tile Mkoma a nga va leletisa tona, mbimo yile va nga huma, va tsimbilisile tiya:

Eksodha 17:13

Ngu toneto, Joxuwa a xute Vaamaleki, e va hihirita ngu matxhari.

Eksodha 32:33

Sekoko Mkoma a to khene ka Mosi: “Ni na pfhita amu ka dibhuku dangu awule a nga ni onhela.

Jeremiya 36:2

Ti tekele dibhuku u txi bhala totshe timhaka ti ni nga kugela ngu Israyeli ni Judha, ni xungetano ni otshe matiko, kukhukhela ka ditshikwedo ni nga womba-womba ni nawe ka masiku a Josiya kala ni kuwa.

1 Makronika 4:42

Vamwani kwawe, ka vanana va Simiyoni, 500 wa vavamna, va to tsula mimangoni ka Seyiri; va txi thangelwa ngu Pelatiya, ni Neyariya, ni Refaya, ni Uziyeli, vanana va Isi.

Jeremiya 30:2

Mkoma, Txizimu txa Israyeli a khene: Bhala amu ka dibhuku totshe timhaka tiya ni nga kugela.