Eksodha 17:10 - Bhiblia Yo Sawuleka

¹⁰ Joxuwa a to maha nga ti Mosi a nga womba, a to huma kasiku yalwa ni Vaamaleki. Ti di ngeto, Mosi ni Aroni ni Huri, va to kwela txitimwi ka mmango.

Eksodha 17:10 Referans Kwoze

Eksodha 24:14

Se a to khene ka madhota: “Hi vereleni kona hawa, kala hi txi wuya; Aroni ni Huri va na sala ni nanu. Wuhi ni wuhi a ku ni mhaka a na yi tise kwawe.”

Joxuwa 11:15

Nga kule Mkoma a nga ti leletete ka Mosi, txithumi txakwe, nene Mosi a leletisile toneto ka Joxuwa; se Joxuwa a to ti maha totshe eto; asi siyi dipswi ni da dimwedo ka ale Mkoma a nga leleta ka Mosi.

Eksodha 31:2

“Wona, ani ni sawute Bhezaleli, mwana Uri, mtukulu wa Huri, wa lihunzu la ka Judha,

Eksodha 17:12

Kambe manza a Mosi ma manekile ma txi karala, ngu kumaha keto, va to teka dirigwi, ve di veka hahatshi kwakwe e khalahatsha txitimwi ka dona. Aroni ni Huri va to guleta manza akwe, mmweyo e maneka ka dimwani didhawa, mmwani a txi maneka ka dimwani. Se manza akwe ma to zumba ma di guletilwe kala kuswani ka ditambo.

Johani 15:14

Anu mi vangana vangu, ngako mi txi maha totshe ti ni mi rumako.

Johani 2:5

Se Mame wakwe a to gela sithumi, a txi khene: “Mahani totshe ti a no mi gela.”

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Eksodha 17:11

Se mbimo yi Mosi a nga txi guleta manza akwe, va ka Israyeli va ti ti xula; mbimo yi a nga txi ma releta, Vaamaleki ngu vona va nga ti humelela kulwani kwawe.

1 Makronika 2:19

Se Azubha a to fa, Kalebhi e ti tekela muefrata, awule a nga veleka Huri.