Eksodha 16:8 - Bhiblia Yo Sawuleka

⁸ Mosi a to womba kambe a txi khene: “Minova yiya Mkoma a na mi ninga nyama midya, se ni mixo, a na mi ninga sakudya si mi no khura ngu sona, nguko a engisile kungungurukela kwanu ngu mhaka yakwe. Nguko athu, hi vamani kani? Kungungurukela kwanu hi ngako wukela athu, aniko ngo wukela Mkoma.”

Eksodha 16:8 Referans Kwoze

Varoma 13:2

Ngu konaho, ava va engisako wukoma, va engisa mlayo wu wu nga vekwa ngu Txizimu. Se ava va eyisako va dhana kuabaniswa txitimwi kwawe.

1 Samuwele 8:7

Se Mkoma a to khene ka Samuwele: Engisa mapswi a vathu ka toshe ti va no kugela, nguko kha va lambi awe; kambe ngani va ni lambako, kasiku ani ni si fumi txitimwi kwawe.

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

Luka 10:16

Awu a mi engisako a engisa ani; awu a mi nyenyako, a nyenya ani; se awu a nyenyako ani, a nyenya wu a nga ni ruma.”

Mitengo 14:27

“Kasi ngu yihi mbimo ni no gwita kutimisela ngu msengeletano wuwa wo biha nga tiya kani? Va na ngungurukela kala mbimo muni kani? Ani ni pfite kusura ka vanana va ka Israyeli, ava va ni mahelako gujeguje tinzeveni kwangu.

Mitengo 21:7

Ngu kumaha ka eto, vathu va to ya ka Mosi, va txi ya kha vona: Athu hi onhile ngutu, nguko hi sote Mkoma, ni nawe; ngu mhaka ya eto, awe hi kombelele ka Mkoma tito, a txi thavisa minyoka yiya hagari kwathu. Koneko Mosi a to kombelela vathu.

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Johani 13:20

Ngu ditshuri, ngu ditshuri, na mi gela ku khani: Awule a amukelako wuhi ni wuhi ni no mruma, a amukela ani nipune; awule a ni amukelako, a amukela awu a nga ni ruma.”

Matewu 10:40

“Awule a mi amukelako, a amukela ani, se awule a ni amukelako, a amukela awule a nga ni ruma.

Matewu 9:4

Se ngako Jesu a di woni mialakanyo yawe, a to khene: “Njani mi pimisa kubiha timbiluni kwanu kani?

Isaya 37:29

Ngu mhaka ya ku ni henyela kwako, niku kutithemba kwako ku pfate tinzeveni kwangu, wona taku, ni na vekela tximemba txangu thonvuni kwako, ni matomu angu txisofuni kwako, ni kutshumeta ngu nzila yi u ngata ngu yona.

Isaya 32:6

Nguko txiphukuphuku txi womba-womba wuphukuphuku, ni mbilu ya txona yi maha to biha, ni kuthumisa wukanganyisi, kasi kuwombawomba ta walo, to wukela Mkoma, se txi tona muhefemulo wa wule a ku ni nzala, ni kutona mati awu a ku ni ditora.

Eksodha 16:12

“Ani ni engisile kungungurukela ka vanana va ka Israyeli; va gele to: Ni minova mi na dya nyama, aniko mixo mi na khura ngu m'baba; se mi na tiziva ti to ani ngani Mkoma, Txizimu txanu.”

Eksodha 16:9

Msana keto, Mosi a to khene ka Aroni: Gela wotshe msengeletano wa vanana va ka Israyeli ku khawe: “Tshuketani hafuhi ka Mkoma, nguko a engisile kungungurukela kwanu.”

Eksodha 17:2

Sekoko vathu va to phikizana ni Mosi, va txi kha vona: “Hi ninge mati o sela.” Mosi a va xamute a txi khene: “Ngu kutxani mi txi phikizana ni nani kani? Ngu kutxani mi txi duka Mkoma kani?”

Mitengo 11:18

Se u na gela vathu u txi khawe: Ti basiseni, nguko mangwana mi na khata kudya nyama, nga ha mi nga txi yi dilela tinzeveni ka Mkoma, mi txi khanu: “I mani a no hi ninga nyama hi txi dya, nguko hi ti ti zumbisekile ditikoni ka Egipta.” Se Mkoma a na mi ninga nyama mi txidya;