Eksodha 16:7 - Bhiblia Yo Sawuleka

⁷ Mangwana ni mixo mi na wona wudhumo wa Mkoma, nguko ene a engisile ku m'ngungurukela kwanu. Nguko athu hi vamani aha koza mi txi hi ngungurukela kani?

Eksodha 16:7 Referans Kwoze

Isaya 40:5

Se wudhumo wa Mkoma wu na wonekiswa, kambe yotshe nyama yi na ti wona tito, txisofu txa Mkoma txi wombile tiya.

Mitengo 16:11

Nguko awe ni wotshe msengeletano wako, mi tshanganile mi txi lwa ni Mkoma; se Aroni, i mani koza mi txi mngungurukela kani?

Johani 11:40

Jesu a to mu xamula, a txi khene: “Kasi kha na kugela tito, ku nga ti u txi kholwa, u na wona lidhumo la Txizimu, kani?”

Johani 11:4

Jesu a di engisile eto, a to khene: “Ewo wulwati hi nga wa kuyisa kufani, aniko mbwa ku na pfalisa Txizimu, kasiku Mwanana wa Txizimu e mana kudhumiswa ngu wona.”

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Eksodha 40:34

Sekoko, direfu di to fenengeta ditenda da msengeletano ni kuphatima ka Mkoma ku manekile ku txi tata ditenda do sawuleka.

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Mitengo 16:42

Se mbimo yi vathu va nga tshangana ve wukela Mosi ni Aroni, va to tutumela kuya ditendani ka msengeletano, konaho ku to woneka direfu di txi va fenengeta, ni wudhundo wa Mkoma wu to woneka.

Mitengo 14:10

Sekoko wotshe msengeletano wu txi lava ku va balisela ngu marigwi; konaho, ku to humelela kuphatima ka Mkoma, ku txi ta fenengeta ditenda da msengeletano, masoni ka votshe vanana va ka Israyeli.

Mitengo 14:27

“Kasi ngu yihi mbimo ni no gwita kutimisela ngu msengeletano wuwa wo biha nga tiya kani? Va na ngungurukela kala mbimo muni kani? Ani ni pfite kusura ka vanana va ka Israyeli, ava va ni mahelako gujeguje tinzeveni kwangu.

Eksodha 24:16

Se kuphatima ka Mkoma ku to maneka txitimwi ka mmango wa Sinayi, direfu di to wu fenengeta, mtxhanu wa masiku ni dimwedo; se ngu ditshiku da wutxhanu ni mambidi, Mkoma a to dhana Mosi, a di mndani ka direfu.

Eksodha 24:10

se va to wona Txizimu txa ka Israyeli, hahatshi ka mikondo ya txona ku ti ni txo nga dirigwi da safira do phatima ku nga nzuma.

Levhi 9:6

Se Mosi a to khene: Ni na mi txhamusela mithetho yi Mkoma a nga ni ninga. Ngako mi txi yi vekisa, mi na sikota kuwona mtamo wakwe wo sawuleka.

Eksodha 16:12

“Ani ni engisile kungungurukela ka vanana va ka Israyeli; va gele to: Ni minova mi na dya nyama, aniko mixo mi na khura ngu m'baba; se mi na tiziva ti to ani ngani Mkoma, Txizimu txanu.”

Eksodha 16:8

Mosi a to womba kambe a txi khene: “Minova yiya Mkoma a na mi ninga nyama midya, se ni mixo, a na mi ninga sakudya si mi no khura ngu sona, nguko a engisile kungungurukela kwanu ngu mhaka yakwe. Nguko athu, hi vamani kani? Kungungurukela kwanu hi ngako wukela athu, aniko ngo wukela Mkoma.”

Mitengo 17:5

Se ku na maheka taku, ndonga ya wamwamna wule ni no va ni di yi sawute, yi na thunga; ngu toneto, ni na heta kungungurukela ka vanana va ka Israyeli kwangu, a kule va nga mi ngungurukelela ngu kona.