Eksodha 16:6 - Bhiblia Yo Sawuleka

⁶ Sekoko Mosi ni Aroni va to womba ka msengeletano wa vanana va ka Israyeli, va txi kha vona: Ni minova mi na tiziva tito, Mkoma ngene a nga mi humisa ditikoni ka Egipta.

Eksodha 16:6 Referans Kwoze

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Mitengo 16:30

Aniko ngako Mkoma a txi rumela txilo txatxiphya, ni kungako mafu ma txi asama txisofu txa ona meva mita ni sotshe siya sawe, ve relela diyivani va txi hanya, mi na tiziva to ava vathu va henyisile Mkoma.

Mitengo 16:28

Sekoko Mosi a to khene: Konkuwa, mi na tiziva ti to Mkoma ngene a nga ni ruma kumaha totshe tiya, kambe totshe tiya kha ti humi ngu mbiluni kwangu.

Masalmo 77:20

U tsimbitisile vathu vako kota m'dyisi wa mtxhambi, ngu manza a Mosi ni Aroni.

Eksodha 32:11

Mosi a to khongela ka Mkoma, Txizimu txakwe, a txi khene: “Mkoma, ngu kutxani kuhenya kwako ku txi tura u txi wukela vathu vako, avale u nga va humisa ditikoni ka Egipta, ngu mtamo wa hombe ni dianza do tsana kani?

Eksodha 32:7

Sekoko Mkoma a to khene ka Mosi: Tsula, relela, nguko vathu vako, avale u nga va humisa ditikoni da Egipta, va onhile.

Eksodha 32:1

Se mbimo yile vathu va nga wona taku Mosi wa swela kurelela ngu mmangoni, vathu va to tshuketa ka Aroni, va txi m'gela tiya: “Khukha u txi hi mahela sizimu si si no thangela masoni kwathu; nguko ene Mosi wuwa, i ku wamwamna wu a nga hi humisa ditikoni ka Egipta, kha hi txi zivi atxi txi nga m'humelela.”

Eksodha 16:8

Mosi a to womba kambe a txi khene: “Minova yiya Mkoma a na mi ninga nyama midya, se ni mixo, a na mi ninga sakudya si mi no khura ngu sona, nguko a engisile kungungurukela kwanu ngu mhaka yakwe. Nguko athu, hi vamani kani? Kungungurukela kwanu hi ngako wukela athu, aniko ngo wukela Mkoma.”

Eksodha 16:3

Vanana va ka Israyeli va va gete va txi kha vona: “I ti txhuko idiku Mkoma a ti hi date ngu dianza dakwe ditikoni ka Egipta, nguko hi ti khalahatshile hafuhi ka tikhadi ta nyama, mbimo yi hi nga ti ti dya sakudya hi khura! Aniko anu mi hi tisile txiwulani muwa, kasiku dibutho diya mi txi di daya ngu nzala.”

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Masalmo 81:11

Kambe ngamu yangu kha ya lava ku ni engisa; Israyeli kha komba kukhatala ngu ngani!