Eksodha 16:4 - Bhiblia Yo Sawuleka

⁴ Sekoko Mkoma a wombile ka Mosi a txi khene: “Ni na mi nisela sakudya ngu nzumani: Vathu va na huma va txi rolela mpimo wa ditshiku ni ditshiku, ni lava kuwona ti to mwendo votshe va vekisa mithetho yangu mwendo kha va vekisi.

Eksodha 16:4 Referans Kwoze

1 Vakorinto 10:3

Votshe va dyite sakudya simweso sa moya,

Masalmo 105:40

Va to txi kombela, txi txi va ninga titshukwa; txi va khurisa ngu m'baba wa nzumani.

Dhewuteronome 8:2

Alakanya yotshe nzila yi Mkoma, Txizimu txako, a nga maha ti to u txi tsimbila ngu yona, mune wa magumi a malembe, txiwulani, kasi ku kukhozisa ni ku kuduka, ti to e ziva ati ti ku mbiluni kwako, ti to mwendo u na vekisa sirumo sakwe, niku khu na mbi si vekisa.

Eksodha 15:25

Se Mosi a to dila ka Mkoma, se Mkoma a to mkomba txipulangwana, Mosi a to txi rola e txi txi vinza matini, se mati ma to maha o lombela; konaho Mkoma a to va ninga sileleto ni sirumo, ngu kona hale a nga va xola kona.

Nehemiya 9:15

Se u va ningile sakudya sa nzumani kasi kuve mana kumalata nzala yawe, ni mati o huma dirigwini kasi ku tima ditora dawe. Kambe u va leleta kuve wulela ve teka ditiko dile u ngadi gulela dianza u txi khawe u na va ninga.

Dhewuteronome 8:16

awule a nga kudyisa manna txiwulani, aale vatate vanu va nga mbi ma ziva, na a txi mahela ku kuxanisa ni ku kuduka, kasi ku a txi ku mahela ta tinene;

Matewu 6:11

Hi he nyamsi sakudya sathu sa ditshiku ni ditshiku.

Mavingu 30:8

Vayilelisa wukanganyisi kwangu, ni mapswi a makuhu; u nga ni ninge hambi wusiwana mwendo tithomba; ni ninge sakudya sa ku ni enelela.

Nehemiya 11:23

Nguko mfumeli a ti ti leletile mithumo yawe, ni ti to vaembeleli ve ningwa txyavelo txawe, mmweyo ni mmweyo ka ditshiku dakwe.

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Luka 11:3

Hi he sakudya sathu sa ditshiku ni ditshiku;

Eksodha 16:15

Ngako va di si woni, vanana va ka Israyeli va wombile hagari kwawe va txi kha vona: “Njitxani txiya kani?” Nguko va si ti zivi ti to i nga va txani. Mosi a ti khene: Asiya nzakudya si Mkoma a mi ningako kuve idi mndiwo wanu.

Masalmo 78:23

Kha ditshuri, Txizimu txi to leleta marefu txitimwi txi tula marefu a nzumani;

Nehemiya 9:20

Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.