Eksodha 16:34 - Bhiblia Yo Sawuleka

³⁴ Nga ti Mkoma a nga leletisa tona ka Mosi, Aroni a to veka txikadyana masoni ka dibhokiso da txixambanyo, ti to txi txi veketwa.

Eksodha 16:34 Referans Kwoze

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Eksodha 25:21

U na sanzeka txikhalo txa wumbilu txitimwi ka dibhokiso, ngu mndani ka dona u na veka Txixambanyo txi ni no kuninga.

Eksodha 25:16

Msana keto, u na veka Txifakaziso txi ni no kuninga aha ka dibhokiso.

Mitengo 17:10

Sekoko Mkoma a to khene ka Mosi: Tshumeta ndonga ya Aroni masoni ka txitumelelano, yi na xayiswa kona, ti to yi na maha txialakanyiso ka vanana va vo kaneta; kasi kufuvisa sisolo hagari kwawe ngu kuhetiseka ti to va siswi vefa.

Eksodha 40:20

A to teka wufakazi a txi wu wuletisa amu ka dibhokiso, a to veka sikhongwani aha ka dibhokiso, a txi veka txikhalo txa wuxinji, txitimwi ka dibhokiso .

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.

Eksodha 30:36

u na kuya di txi maha lifenyenye u txi di veka masoni ka ditenda da msengeletano, ahale ni no ya manana kona ni nawe. Txingema txiya, kwanu, txi na va i di txingema txo sawuleka ngutu.

Eksodha 30:6

U na veka txiluvelo masoni ka m'jiyo awule wu ku ngu masoni ka dibhokiso da txitumelelano, masoni ka txikhalo txa wuxinji atxi txi ku txitimwi ka wufakazi, ahale ni nota manana kona ni nawe.

1 Vafumeli 8:9

Amu ka dibhokiso ku si nga ni tximwani txilo, hahanze ka sileti simbidi sa marigwi, asile Mosi a nga si beta a di Horebhe mbimo yile Mkoma a nga maha txitumelelano ni vanana va ka Israyeli, va txi huma ngu ditikoni ka Egipta.

Dhewuteronome 10:5

Ni to engeta ni relela ngu mmangoni, ni txi veka amu ka dibhokiso sileti sa simbidi, dona dibhokiso dile ni ngadi maha; sona si ngadi kona mule, madingano ni ti Mkoma a nga leletisa tona.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Eksodha 38:21

Ngu yiya txhatxhameto ya simaha sa kuaka ngu sona, asile si nga thumiswa ha kuakani ka ditenda do sawuleka, i ku nyumba ya wufakazi, ayi yi nga akwa ngu va ka Levhi, ngu kuleletelwa ngu Mosi, na va txi thangelwa ngu Itamari, mwanana wa mphaxeli Aroni.