Eksodha 16:3 - Bhiblia Yo Sawuleka

³ Vanana va ka Israyeli va va gete va txi kha vona: “I ti txhuko idiku Mkoma a ti hi date ngu dianza dakwe ditikoni ka Egipta, nguko hi ti khalahatshile hafuhi ka tikhadi ta nyama, mbimo yi hi nga ti ti dya sakudya hi khura! Aniko anu mi hi tisile txiwulani muwa, kasiku dibutho diya mi txi di daya ngu nzala.”

Eksodha 16:3 Referans Kwoze

Eksodha 17:3

Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”

Sidilo 4:9

Avale va nga dawa ngu ditxhari, va katekile kupinda vale va nga dawa ngu nzala, i ku vale va nga sika va txi goma, ngu kupwateka ka mihando tithembweni.

Dhewuteronome 28:67

Ni mixo u na womba u txi khawe: “O! I ti ku do swa ditambo!” Ni minova u na womba u txi khawe: “O! I ti ku ko maha mixo!” Ngu mhaka ya sidiwukiso si u no si wona ngu maso ako.

Jeremiya 2:6

Se kha va kha vona: “Ahani Mkoma, awu a nga hi humisa ditikoni ka Egipta kani? Awu a nga hi thangela amu txiwulani, ditikoni ka sigwangwa ni maphala, ditikoni ka kuoma kumweko ni mtsudini wa kufa Ditiko di nga ti si nga ni vapindi ni vaaki.”

Mitengo 14:2

Votshe vanana va ka Israyeli va to ngungurukela ve wukela Mosi ni Aroni, va txi kha vona: “I ti txhuko kuva hi di fete ditikoni ka Egipta! Mwendo hi di fete txiwulani muwa!

1 Vakorinto 4:8

Se mi khuri! Se mi vanyatithombe! Mi tipfa mi txi fuma hahanze kwathu! Sikwanu mayi, idiku mo fuma ngu ditshuri, kasiku nanathu hi fuma kumweko ni nanu.

Joxuwa 7:7

Se Joxuwa a to khene: “Yowe! Mkoma Txizimu! Ngu kutxani u nga txhatukisa vathu vava mnambo wa Jordhani, kasi ku ta hi ningela manzani ka Vaamori, va txi ta hi lovisa kani? I di txhuko hi ti ko zumba mtxhatuko ka Jordhani!

2 Vakorinto 11:1

Hi ngani timisela kudotho ngu ngani, hambi ni txi nga diphuphulu! Kunene, mi timisete ngu ngani kala nyamsi.

Mithumo 26:29

Paulo a txi khene: “Ngu kadotho mwendo ngu ka kungi, ni kombela ka Txizimu ti to i si nga awe dwe, kambe ni votshe va va ni engisako nyamsi, mi txi fanana ni nani, kuleka ngu titxhini ti ni nga sungwa ngu tona.”

Jobe 3:20

Ngu kutxani vaxaniseki va simamako ve hanya kani? Va ningelwa txani liwoningo avale va sisiwana, ni wutomi ka vale va ku xomuloni,

Jobe 3:10

Nguko kha da seka matimba a mrumbu kambe kha da sisa kukarala ka maso angu.

Jobe 3:1

Msana keto, Jobe a to tula txisofu e ruketela ditshiku da kuvelekwa kwakwe.

2 Samuwele 18:33

Sekoko mfumeli a to xaniseka ngutu mbiluni kwakwe; e kwelela eya ka nyumba yi yi nga ti txitimwi ka txike eya dila; a txi tsimbila, a ti ti khene; Mwanangu Abhisalome, mwanangu, mwanangu Abhisalome! Ngu kutxani ku nga mbi fa ani ka wukhalo wako, Abhisalome mwanangu, mwanangu!

Dhewuteronome 8:3

Se ene a mahile ti to u txi xaniseka, a ku lekile u di ni nzala, e kudyisa manna ale awe u nga ti si ma zivi, hambi vatate vako va ti si ma zive, kasi ku kukomba ti to m'thu kha hanyi ngu sakudya dwe, aniko m'thu a na hanya ngu totshe ti ti humako txisofuni ka Mkoma.

Mitengo 16:41

Aniko mangwanani ka kona, wotshe msengeletano wa vanana va ka Israyeli, wu to ngungurukela wu wukela Mosi ni Aroni, wu txi kha wona: “Anu mi date vathu va Mkoma.”

Mitengo 16:13

Nguko awe wo yi maha mhaka yayidotho, aku u nga hi humisa ka ditiko do khulunga masi ni wulombe, u hi daya mu txiwulani, u tshumela u ti kulisa txitimwi kwathu kani?

Mitengo 11:15

“Ti di ngeto, na ku kombela tito, u ni ninga lifo konkuwa, kasi ni si woni xomulo yiya.”

Eksodha 5:21

Va to va gela va txi kha vona: “Mkoma a na mi wonisise a txi mi thethisa! Nguko mi hi mahete dibava masoni ka Faro ni masoni ka sithumi sakwe, mi vekile ditxhari manzani kwawe kasi va txi hi daya ngu dona!”

Eksodha 2:23

Ku to maheka taku, msana ka masiku awa, a txifa mfumeli wa Egipta; vanana va ka Israyeli va to maneka va di kuxuphekani ka hombe, ngu mhaka ya wukhumbi wawe; va to dila, se huwa yawe yi to kwela yi txi hoka ka Txizimu.

Mitengo 14:3

Ni kambe ngu kutxani ene Mkoma a txi hi yisa ka ditikodo, hi na ya guma ngu kudawelwa ngu matxhari hi ya ningela vasikati vathu ni vanana vathu, ve mahwa tikhumbi kani? I si nga tshuko hi tshumela hi txi ya Egipta kani?”

Masalmo 78:19

Va to wukela Txizimu va txi kha vona: “Ina Txizimu txi nga sikota ku hi lulamisela sakudya kona txitingani muwa kani?

Masalmo 78:25

Votshe va dyite sakudya sa tingelozi! Txizimu txi va rumete sakudya sa kuenela!

Jeremiya 42:14

Mi txi khanu: Athu hi na tsula ditikoni ka Egipta, amu hi no mbi wona yimbi, kha hi na mbi pfa kuvetwa ka mpundu, hambi kupfa nzala ya sakudya, hi na ya zumba koneyo.

Jeremiya 44:17

hi na londisa kotshe kuwomba ku ku nga huma ngu txisofuni kwathu, hi txi hisela dibaselo txizimu txa txisikati txi dhanwako ku Mfumeli wa Nzumani, ni ku txi luva.

Eksodha 14:11

Va wombile ka Mosi va txi kha vona: “Ina ditikoni ka Egipta ku ti si nga ni maphala, eko u nga hi thavisa kasi ku hi txi ta fa mu txiwulani kani? Ngu kutxani u txi maha toneto kani? Ngu kutxani u nga hi thavisa ditikoni ka Egipta kani?

Mitengo 11:20

Se nga ha mi nga kanyisa Mkoma, mi na dya nyama mtxima wotshe, kala nyama yiza yi pfhuruka ngu tithonvuni kwanu, miza mi xamuka ngu yona. Ni kambe mi dite, mi txi khanu, ngu kutxani hi nga huma ditikoni ka Egipta kani?

Mitengo 21:5

Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

Masalmo 107:5

va pfite nzala ni ditora; mahika awe me khata kurereka.