Eksodha 16:23 - Bhiblia Yo Sawuleka

²³ Ene a va gete a txi khene: “Ngu toneto, Mkoma a nga womba ku khene: Mangwana ditshiku do humula, i Sabbata yo sawuleka ya Mkoma. Bhikani si mi si lavako kubhika, mi katinga si mi lavako kukatinga, ni si si salako, si veketeni kala mangwana.”

Eksodha 16:23 Referans Kwoze

Levhi 23:3

Mi na maha mithumo mu ka mtxhanu wa masiku ni dimwedo, aniko ditshiku da wutxhanu ni mambidi, i Sabbata yo humula, msengeletano wo sawuleka; kha mi na mbi maha mthumo ni wawumwewo; i Sabbata ya Mkoma kotshe mu mi zumbako kona.

Eksodha 31:15

Amu ka mtxhanu wa masiku ni dimwedo ku na thumwa aniko ka ditshiku da wutxhanu ni mambidi, ku nava i di Sabbata ya kuhumula ko hetiseka, kasi kudhumisa Mkoma.

Luka 23:56

Se va di wuyile, va to longela makha ni mafura o bhumula. Se ngu ditshiku da Sabbata va to humula, nga kuruma ka Mlayo.

Eksodha 23:12

Amu ka mtxhanu wa masiku ni dimwedo u na maha mithumo yako; se ka ditshiku da wutxhanu ni mambidi u na humula, kasiku homu yako ni mbongola yako si mana kuhumula, kasiku mwanana wa khumbi yako a txi mana ku hefu, kumweko ni mluveli wako.

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

Mitengo 11:8

Vathu va txi hangalaka ve tsimbila va txi rolela manna ve ma gaya ngu txigayo, ni ku ma sinza ngu ka dithudi; ve ma bhika khadini ve ma maha makhekhe; se kutshamba ka ona ma ti ti fana ni dikhekhe do kanyangelwa ni mtona.

Eksodha 16:19

Se Mosi a ti khene kwawe: “Ni wammweyo a nga veke so ta dya mangwana.”

Dhewuteronome 5:12

U na vekisa ditshiku da Sabbata u txi di sawulekisa, nga ti a nga ku leletisa tona Mkoma, Txizimu txako.

Nehemiya 9:13

U txhikile txitimwi ka mmango wa Sinayi, u womba-womba navo u di nzumani, u va ningile wululamo wa wunene ni milayo ya ditshuri, sileleto ni sirumo sa sinene.

Nehemiya 9:14

Se u va zivisile Sabbata yako yo sawuleka; ni sirumo, ni sileleto, ni mlayo u va ningile ngu dianza da txithumi txako Mosi.

Jeremiya 17:22

Hambi kuhumisa mirwalo ngu tinyumbani kwanu ngu ditshiku da Sabbata, hambi kumaha ni wihi mthumo. Aniko sawulekisani ditshiku da Sabbata, nga kule ni nga laya vakokwani vanu.

Mitengo 11:7

Se manna ma ti ti fana ni timbewu ta kowentro, kambe ma txi nga bhidheliyo.