Eksodha 16:22 - Bhiblia Yo Sawuleka

²² Ngu mhaka yeto, ka ditshiku da wutxhanu ni dimwedo va to rolela sakudya so enela masiku mambidi, mipimo yimbidi ya homeri ngu m'thu ni m'thu; se madhota a msengeletano va to ya ka Mosi va txi ya womba.

Eksodha 16:22 Referans Kwoze

Eksodha 16:5

Se ku na maheka taku, ngu ditshiku da wutxhanu ni dimwedo, va na lulamisela sile va no elula; so dingana masiku mambidi, kupinda sile va rolelako ditshiku ni ditshiku.”

Levhi 25:22

Ka dilembe da wutxhanu ni mararu, mi na dima mi phaya, na mi txi dya asile mi nga elula kale; mi na ya masoni ngu kudya sa mawongwe, kala kuza mi txi elula amu ka dilembe da wutxhanu ni mune.

Levhi 25:12

Nguko dilembe diya, nda kutsaka ka hombe, ndo sawuleka; dyanani asi mafu ma nga si veleka.

Eksodha 34:31

Sekoko Mosi a to dhana Aroni ni vathangeli va msengeletano, va txi ya hafuhi kwakwe, se Mosi a to womba-womba navo.

Eksodha 16:16

Mkoma a ruma ti to khene: “Mmwani ni mmwani a na rolele asi si enelako kudya, mpimo wa homeri ngu m'thu ni m'thu. M'thu ni m'thu a na rolela so enela mtengo wa vathu vale a ku navo mu ditendani kwakwe.”

Eksodha 16:21

Mixo ni mixo mmwani ni mmwani a ti rolela so enela ku a txi dya, se mbimo yi ditambo di nga khata kuhisa, si ti nyivilika.