Eksodha 16:21 - Bhiblia Yo Sawuleka

²¹ Mixo ni mixo mmwani ni mmwani a ti rolela so enela ku a txi dya, se mbimo yi ditambo di nga khata kuhisa, si ti nyivilika.

Eksodha 16:21 Referans Kwoze

2 Vakorinto 6:2

Nguko, txona txi womba tiya: Ni ku engisile ngu mbimo ya yinene, kambe ni kuvhuni ngu ditshiku da kuhanyiswa. Ayiya ngu yona mbimo ya yinene, adiya ngu dona ditshiku da kuhanyiswa.

Johani 12:35

Se Jesu a to va xamula a txi khene: “Liwoningo li ngadi ni nanu ngu mbimoanyana. Tsimbilani mi di ngadi ni liwoningo, kasiku txidema txi si mi mani, nguko awu a tsimbilako txidemani, kha kuzivi amu a yako kona.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Ekleziyaste 12:1

Alakanya M'vangi wako, ka masiku a wuphya wako, ma sanzi kuhoka masiku a makhombo, ma txi hoka malembe awa u no khawe: “Kha ni tsakiswi ngu ona”;

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Eksodha 16:20

Kambe vona kha va mu engisa, vamwani vokari va to veketa sa mangwanani ka kona; ngu mhaka yeto sakudya si to humisa timbungu, ku txi nunga kubiha. Se Mosi a to henya ngu mhaka yawe.

Eksodha 16:22

Ngu mhaka yeto, ka ditshiku da wutxhanu ni dimwedo va to rolela sakudya so enela masiku mambidi, mipimo yimbidi ya homeri ngu m'thu ni m'thu; se madhota a msengeletano va to ya ka Mosi va txi ya womba.