Eksodha 16:19 - Bhiblia Yo Sawuleka

¹⁹ Se Mosi a ti khene kwawe: “Ni wammweyo a nga veke so ta dya mangwana.”

Eksodha 16:19 Referans Kwoze

Eksodha 23:18

U nga ningele mnoha wa mphaxo wangu kumweko ni dipawu do tshumbelwa; kambe ku nga sale mafura a ku ni lumba amu ka m'buso, kukhukhela wusiku kala ni mixo.

Eksodha 12:10

Ni txa tximwetxo txi nga sale kala mangwanani ka kona, ngako ku txi sala txokari, mi nata txi hisa mangwanani ka kona ni mixo ha mndiloni.

Matewu 6:34

Ngu toneto, mi nga karatekeni ngu sa ditshiku da mangwana, nguko ditshiku da mangwana di na ni sikarato sa dona. Ditshiku ni ditshiku di dinganelwa ngu sikarato sa dona.”

Eksodha 16:23

Ene a va gete a txi khene: “Ngu toneto, Mkoma a nga womba ku khene: Mangwana ditshiku do humula, i Sabbata yo sawuleka ya Mkoma. Bhikani si mi si lavako kubhika, mi katinga si mi lavako kukatinga, ni si si salako, si veketeni kala mangwana.”

Eksodha 16:20

Kambe vona kha va mu engisa, vamwani vokari va to veketa sa mangwanani ka kona; ngu mhaka yeto sakudya si to humisa timbungu, ku txi nunga kubiha. Se Mosi a to henya ngu mhaka yawe.