Eksodha 16:15 - Bhiblia Yo Sawuleka

¹⁵ Ngako va di si woni, vanana va ka Israyeli va wombile hagari kwawe va txi kha vona: “Njitxani txiya kani?” Nguko va si ti zivi ti to i nga va txani. Mosi a ti khene: Asiya nzakudya si Mkoma a mi ningako kuve idi mndiwo wanu.

Eksodha 16:15 Referans Kwoze

Eksodha 16:4

Sekoko Mkoma a wombile ka Mosi a txi khene: “Ni na mi nisela sakudya ngu nzumani: Vathu va na huma va txi rolela mpimo wa ditshiku ni ditshiku, ni lava kuwona ti to mwendo votshe va vekisa mithetho yangu mwendo kha va vekisi.

Johani 6:58

Ngu donedo dipawu di nga txhika ngu nzumani. Kha di fanani ni dile va nga dya vatate vanu; vona va fite; kasi awu a no dya dipawu diya a na hanya wutomi wo mbi guma.”

Eksodha 16:31

Vathu va nyumba ya ka Israyeli va si ningile ditina daku i manna. I ti so nga nyasenge, wo basa, kutshamba ka sona i ti ku nga txibhubhutela txa wulombe.

Dhewuteronome 8:3

Se ene a mahile ti to u txi xaniseka, a ku lekile u di ni nzala, e kudyisa manna ale awe u nga ti si ma zivi, hambi vatate vako va ti si ma zive, kasi ku kukomba ti to m'thu kha hanyi ngu sakudya dwe, aniko m'thu a na hanya ngu totshe ti ti humako txisofuni ka Mkoma.

1 Vakorinto 10:3

Votshe va dyite sakudya simweso sa moya,

Nehemiya 9:20

Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.

Nehemiya 9:15

Se u va ningile sakudya sa nzumani kasi kuve mana kumalata nzala yawe, ni mati o huma dirigwini kasi ku tima ditora dawe. Kambe u va leleta kuve wulela ve teka ditiko dile u ngadi gulela dianza u txi khawe u na va ninga.

Joxuwa 5:12

Se mangwanani ka kona, manna ma to leka kuwa, msana ka kule va nga dya fulaho ya mafuni, ya dilembe di di nga pinda, se vanana va ka Israyeli kha va amukela kambe manna; aniko ka dona dilembedo, va to dya mihando ya yiphya ya ditiko da Kanana.

Johani 6:49

Txiwulani, vatate vanu va dyite manna kambe va fite.

Dhewuteronome 8:16

awule a nga kudyisa manna txiwulani, aale vatate vanu va nga mbi ma ziva, na a txi mahela ku kuxanisa ni ku kuduka, kasi ku a txi ku mahela ta tinene;

Mitengo 21:5

Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

Eksodha 16:33

Mosi a to khene kambe Aroni: “Teka txikadyana thela ka txona homeri yimweyo yo tala ngu manna se u txi veka masoni ka Mkoma, kasi ku yi veketa kala ka vatukulu vanu.”

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Luka 12:30

Nguko silo siya sotshe si vilelwa ngu vamatiko va ha mafuni; aniko anu Tate wanu wa tiziva ti to ma si pwata.

Mavingu 9:5

Ngonani hi ta dya sakudya hotshethu, ni kusela vhinya yile ni nga yi lulamisela.

Masalmo 78:24

txi to wisa manna masoni ka vathu; fulaho ya nzumani kasi ku vedya!

Masalmo 105:40

Va to txi kombela, txi txi va ninga titshukwa; txi va khurisa ngu m'baba wa nzumani.