Eksodha 15:9 - Bhiblia Yo Sawuleka

⁹ Mlala a ti ti khene: “Ni na va londeta, ni na va mana, ni na va honyolela simaha sawe; ni txi va tekela sotshe si ni si lavako; wu na khura ngu sona moya wangu, ni na swomola ditxhari dangu, ni va fuvisa ngu dianza dangu!”

Eksodha 15:9 Referans Kwoze

Valamuli 5:30

Va nava va di kuphakelani ka si va nga handa kani? Wamwamna wammweyo, ina kha ningwa dihorana dimwendo mwendo mahorana mambidi, kani? Tinguwo to rungelwa ngu kutshuriselwa, nda Sisera, tinguwo to rungelwa ngu kutshuriselwa to bombisa thamo ya msikati wakwe.

Eksodha 14:5

Ngako mfumeli wa Egipta a di zivisilwe ti to vathu va thavile, mbilu ya Faro ni timbilu ta mahalamu akwe ti to txitxeka ve wukela vathu. Se vona va to womba va txi kha vona: “Hi mahile tiya ngu txani, hi txi leka va ka Israyeli ve tsula, ve leka ku hi thumela kani?”

Luka 11:22

Kambe ngako ku txi ta mmwani, awu a ku ni mtamo kupinda ene, a txi mu xomela e mu xula, wa mu honyola matxhari awa a nga ti ma thembile, a txi avela vathu asi nene a nga ti handile.

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Habhakuki 3:14

Awe u tute msungo wa mthangeli wa yimbi ngu mitxheketelo yako; vona va ni wukete nga txihuhuri ku ta ni hangalasa; va ti ti giyela ku nga va txo lava kumita txisiwana ku sisakalani.

Genesisi 49:27

Bhenjamini i dixolwa di di phatulako; ni mixo didya txile di nga xota, se ni minova di phaka sa kuhonyola.

Isaya 36:20

Ngu sihi hagari ka sotshe sizimu sa matiko, si nga nga txhatxhisa ditiko da sona manzani kwangu, ka ku naza Mkoma e txhatxhisa Jerusalema, manzani kwangu kani?

1 Vafumeli 20:10

Se Bheni-Hadhadhe a to va rumela kwakwe, kuya womba tiya: Si na mahe kuranda ngu ngani sizimu, ati to lithulu la votshe vathu va Samariya, kha li na mbi tata manza a vathu vale va ni londisako.

1 Vafumeli 19:2

Sekoko Jezabheli a to ruma mtumi ka Elija, kuya khene: Si na ni tsayise ngutu sizimu ngako kala ka mbimo yo nga yona yiya, ni si ku dayi nga ti u nga va dayisa tona.

1 Samuwele 30:8

Sekoko Dhavhidha a to wotisa ka Mkoma a txi khene: Ina ni nga wulondeta mtxawa wuwa wa masotxhwa kani? Ina na wu mana kani? Se Mkoma a to m'gela ku khene: Wu londete, nguko ngu ditshuri u na wu mana kambe u txhatxhisa sotshe.

2 Samuwele 22:38

Ni tutumisile valala vangu, ni vaxula, kha na tshumela kambe, kala kuza ni va lovisa.

Mavingu 16:19

I txhuko kuva wo ti namisa moyani ni vale vo divala, kupinda ku abanelana so handwa ni vale vo ti kukumukisa.

Jeremiya 46:17

Va to peka huwa konaho: Faro, mfumeli wa Egipta, diguwa da walo; “a tshotshile walo mbimo.”