Eksodha 15:7 - Bhiblia Yo Sawuleka

⁷ Ngu wuhombe wa wukoma wako u wisile valala vako. Kuhenya kwako kuturile ku txi vahisa nga mwasi.

Eksodha 15:7 Referans Kwoze

Isaya 5:24

Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Isaya 47:14

Wona taku va na fana ni mthungu, mndilo wu na hisa; kha va na mbi sikota kuhulukisa wutomi wawe ka mtamo wa m'dhikila; kha na mbi va dikala da mndilo kasi ku ti futumeta, mwendo mndilo woza e khalahatsha hafuhi ka wona.

Isaya 37:29

Ngu mhaka ya ku ni henyela kwako, niku kutithemba kwako ku pfate tinzeveni kwangu, wona taku, ni na vekela tximemba txangu thonvuni kwako, ni matomu angu txisofuni kwako, ni kutshumeta ngu nzila yi u ngata ngu yona.

Isaya 5:16

Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.

Masalmo 148:13

Hi nga dhumisani ditina da Mkoma, nguko ditina dakwe ngu dona di guletwako; wudhumo wakwe wu txitimwi ka nzuma ni mafu!

Masalmo 83:13

Awe Txizimu txangu, va hangalase nga lithulu, va txi nga mwasi wu wu huhiswako ngu diphuho.

Dhewuteronome 33:26

Awe Jesurumi kha nga ho wa kufana ni Txizimu, a tako a di gadhile tinzuma kasi ku ta ku vhuna, a tako ni wuhombe wakwe txitimwi ka marefu!

Mithumo 9:4

Se a to wa hahatshi, e pfa dipswi di txi: “Sawule, Sawule, u ni xanisela txani?”

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Zakariya 14:8

Ka ditshiku dile, ku na maheka kambe ti to me khiringela mati, ma txi huma ngu Jerusalema, hafu ya ona yi txi ya ka Linene la wutxani, se yimwani hafu yi txi ya ka Linene la mswa-ditambo, ngu mbimo ya malanga ni ya wuxika, eto ti na maheka.

Zakariya 14:3

Se Mkoma a na huma e yalwa ni matiko awa, ku nga tile a nga lwisa tona ngu ditshiku da yimbi.

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Mika 4:11

Konkuwa ma sengeletanile matiko amangi me kuwukela, ma txi kha ona: A na nyenyeziswe, se maso athu ma na wona kunavela kwakwe txitimwi ka Siyoni.

Jeremiya 10:6

Khangaho a fananako ni nawe, awe Mkoma; u wa hombe, ditina dako ndahombe ngutu.

Isaya 37:38

Se ku to maheka taku, na a di namile nyumbani ka Nisiroke, txizimu txakwe, vanana vakwe i ku Adrameleki ni Saresari, va to m'daya ngu ditxhari; se va to tutuma veya ditikoni ka Ararati. Esari-Hadhomi, mmweyo wa vanana vakwe, a to fuma ka wukhalo wa tate wakwe.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

Isaya 37:17

Namisa nzeve yako awe Mkoma, u engisa; tula maso Mkoma u wona; kambe pfana otshe mapswi a Senakeribhe, ale a nga ma rumela ku ta sola Txizimu txa kuhanya.

Masalmo 68:33

Ka wule tsimbilatsimbilako a di gadhile tinzuma ta tinzuma, kukhukhela kaleko! Wona taku wa rumela dipswi dakwe ni kuninga kudhinda ko thisa ngutu.

Masalmo 59:13

Va daye, va fuvise kuhenyani kwako, kasi ku va si swi ve hanya! Va na ti zive tito, Txizimu txa fuma ka va ka Israyeli, ni ti to txona txa fuma, ka dotshe ditiko!

Eksodha 9:16

se ngu mhaka ya toneto, ni ku lekile ni txi ku emisa kasi ku ni txi kukomba mtamo wangu, ni ti to ditina dangu di txi huwelelwa ha ditikoni kotshe.

Vahebheru 12:29

Nguko, Txizimu txathu, i mndilo wu wu hisako.

Eksodha 14:27

Sekoko Mosi a to nawuluta dianza dakwe txitimwi ka linene, kutxani ka kona ni mixo, lona li to wuya ha wukhaloni ka lona. Vaegipta, mbimo yi va nga ti thava, va to tshangana ni mati. Mkoma a to bhwabhwamelisa Vaegipta hagari ka linene.

Dhewuteronome 4:24

Nguko Mkoma, Txizimu txako, mndilo wu wu tshokomisako, Njizimu txa txiluse.

Eksodha 5:12

Sekoko vathu va to hangalaka ka dotshe ditiko da Egipta, kasiku ve sengeletela matshina ya ma nga ti ti sala ku di funyetwe.

Jobe 9:4

Txizimu txi ni wutxhari mbiluni, txona i nyamitamo ngutu; i mani a nga ti bangisa ka txona, e mana kuthutha kani?