Eksodha 15:27 - Bhiblia Yo Sawuleka

²⁷ Sekoko va to ta Elime, ahale ku nga ti ni digumi da milonga ni yimbidi ya mati ni mtxhanu wa magumi ni magumi mambidi a mitxhese; va to gova hafuhi ni mati.

Eksodha 15:27 Referans Kwoze

Mtuletelo 22:2

Hagari ka mtendela wa didhoropa ni mabambe ka mnambo, ngu khe ni khe, ku ni mndonga wa wutomi, awu wu ningako mihando digumi ni kambidi ngu dilembe, ngu kuveleka mtxima ni mtxima: Mazokoro a wona ma thuma kuhanyisa mifumo.

Mtuletelo 7:17

Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”

Mitengo 33:9

Se va to khukha ngu Mara, ve ta Elime; se Elime ku ti ti ni digumi da sisima sa mati, ni mtxhanu wa magumi ni mambidi a mikhokho, va to humula konaho.

Ezekhiyele 47:12

Se hafuhi ni txinambwana, likasani ka kona, ka didhawa dimwedo ni dimwani, ku na mila totshe tixaka ta mindonga yo ninga mihando yo dingana kudyiwa; mazokoro a yona kha ma na mbi mora, hambi kuluzeka mihando ya kona; ngu mitxima ya kona yi na veleka mihando ya yiphya, nguko mati a kona ma huma ngu ko sawuleka; se mihando ya kona yi na maha yo dyiwa, aniko dizokoro da kona mrende.

Isaya 12:3

Se anu, ngu kutsaka, mi na reka mati ka sisima sa kuhanyisa.

Eksodha 16:1

Va to khukha Elime, msengeletano wotshe wa vanana va ka Israyeli aha va nga ya hoka txiwulani ka Simi, ku manekako hagari ka Elime ni Sinayi, ka ditshiku da digumi ni mtxhanu ka mtxima wa wumbidi, msana ka kuva va di humile ngu Egipta.

Masalmo 23:2

Wa ni humuta hagari ka lihunga lo nakana kambe wa ni gola a txi ni yisa ka mati o tenga.