Eksodha 15:25 - Bhiblia Yo Sawuleka

²⁵ Se Mosi a to dila ka Mkoma, se Mkoma a to mkomba txipulangwana, Mosi a to txi rola e txi txi vinza matini, se mati ma to maha o lombela; konaho Mkoma a to va ninga sileleto ni sirumo, ngu kona hale a nga va xola kona.

Eksodha 15:25 Referans Kwoze

Dhewuteronome 8:2

Alakanya yotshe nzila yi Mkoma, Txizimu txako, a nga maha ti to u txi tsimbila ngu yona, mune wa magumi a malembe, txiwulani, kasi ku kukhozisa ni ku kuduka, ti to e ziva ati ti ku mbiluni kwako, ti to mwendo u na vekisa sirumo sakwe, niku khu na mbi si vekisa.

Masalmo 66:10

Txizimu, u hi dukile; u hi basisile ku nga ti ti mahwako ka silivhela!

Valamuli 3:1

Ayiya koko, ngu yona mifumo yi Mkoma a nga yi siya, kasi ku ngu yona e duka Israyeli, i ku votshe vale va nga mbi ziva totshe tiyimbi ta Kanana.

Valamuli 3:4

Avava koko, va sate kasi ku ngu vona Mkoma e duka va ka Israyeli, kasi kuziva ti to mwendo va na engisa sirumo sakwe, sile a nga ti leletete vatate vawe, ngu txisofu txa Mosi.

Valamuli 2:22

Kasi ku ngu ona ni duka Israyeli, mwendo va na xayisa nzila ya Mkoma, kufana ni vatate vawe va nga yi xayisa, kasi kuve tsimbila ngu yona, mwendo ku yi leka.”

Dhewuteronome 8:16

awule a nga kudyisa manna txiwulani, aale vatate vanu va nga mbi ma ziva, na a txi mahela ku kuxanisa ni ku kuduka, kasi ku a txi ku mahela ta tinene;

Eksodha 16:4

Sekoko Mkoma a wombile ka Mosi a txi khene: “Ni na mi nisela sakudya ngu nzumani: Vathu va na huma va txi rolela mpimo wa ditshiku ni ditshiku, ni lava kuwona ti to mwendo votshe va vekisa mithetho yangu mwendo kha va vekisi.

2 Vafumeli 2:21

Sekoko mnyu wuleya a to ya wu thela txisimani, e gwita a txi khene: Mkoma a khene: “Ni na basisa mati awa, kha ku na mbi ngadi kuva ni lifo, hambi ni wufule.”

1 Vakorinto 1:18

Nguko wuzivi wa txihambano mbuhundwa ka va va lovako, aniko txona i mtamo wa Txizimu ka va va hanyiswako, i ku athu,

Jeremiya 9:7

Ngu konaho, kuwomba Mkoma wa Mabutho a Tiyimbi, ni na va nyekisa, ni va xola; nguko ni nga mahisa kutxani ngu m'horana wa vathu vangu kani?

Mavingu 17:3

Nyundo njo xola silivhela, se mndilo mbwo xola nzalama; kambe Mkoma a xola timbilu.

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

2 Vafumeli 4:41

Kambe Elixa a to khene: Ni tiseleni sipupwana. A to si thela khadini, a nje khene: Phamelani mi ninga vathu vedya. Se ku si nga ngadi ni phango khadini.

Eksodha 14:10

Mbimo yi Faro a nga hoka hafuhi, vanana va ka Israyeli va to gula maso ve wona ti to Vaegipta ndiva, va ta ngu msana kwawe. Va to va ni kuthava ka hombe; sekoko vanana va ka Israyeli va to dila ka Mkoma.

Masalmo 99:6

Mosi ni Aroni i ti vaphaxeli vakwe Samuwele i ti mmweyo wa vale va dhumisako ditina da Mkoma; vona va dhani Mkoma, se ene a va xamute.

Masalmo 81:7

Kuxanisekani kwako, u ni dhani ni ta kuhanyisa; ni ku angute, ni di direfuni ka txingwalangwanda, awe u nga ni duka matini ka Meribha.

Dhewuteronome 13:3

u nga engise mapswi a mprofeti eneyo mwendo mlori eneyo, nguko Mkoma, Txizimu txanu, ngene a mi dukako, kasi kuziva ti to ina ngu ditshuri ma randa Mkoma, Txizimu txanu, ngu yotshe mbilu yanu, ni wotshe moya wanu.

Eksodha 17:4

Se Mosi a to khongela ka Mkoma, a txi khene: “Ni na maha txani ngu vathu vava kani? Ko sala kudotho, va lava ku ni balisela ngu marigwi.”

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Eksodha 20:20

Se Mosi a to khene ka vathu: “Mi nga thaveni. Mkoma a to ta kasi ku ta mi duka, masoni kwanu, kasiku mi txi hambana ni txionho.”

2 Vafumeli 6:6

Se Elixa m'thu wa Txizimu a nje khene: Ngu hani di nga wela kona kani? Se a to mkomba wukhalo wa kona, Elixa a to wila ndonga e yi vinza kona hale, se ditxhapu di so deluka.

Ezekhiyele 47:7

Mbimo yi ni nga txi tshumela, likasani ka txinambwana ku ti ti ni mindonga yayingi ngutu, ka didhawa dimwedo ni dimwani.

Ezekhiyele 47:8

Sekoko a to khene kwangu: Mati awa ma khulungela kuya wutxani, ma relela me ya tithembweni, ma txi ya wulela lineneni; se ma txi hoka lineneni, ma na ya va mrende ka mati a lineneni.