Eksodha 15:21 - Bhiblia Yo Sawuleka

²¹ Miriyamu a ti ti va embelelisa, a txi khene: “Embelelani mi dhumisa Mkoma, nguko a ti ambekile wudhumo; kambe a tshotshile lineneni dihantxhi ni m'gadhi wa dona.”

Eksodha 15:21 Referans Kwoze

Eksodha 15:1

Sekoko ka yona yile mbimo, Mosi ni vanana va ka Israyeli va to embelela ndando yiya ve dhumisa Mkoma, va txi kha vona: Ni na embelela ni dhumisa Mkoma, nguko a gulekile ngutu; A tshotshile lineneni dihantxhi ni m'gadhi wa dona.

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

2 Makronika 5:13

Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.

1 Samuwele 18:7

Se vavasikati va to womba mmwani ka mmwani, va txi kha vona: Sawule a date digumi da mazana, kambe Dhavhidha a date digumi da magumi a mazana.

Valamuli 5:3

Anu vafumeli engisani! Anu vathangeli engisani! Ani ni na dhumisa Mkoma ngu kuembelela, Ni na embelela tindando, ni dhumisa Mkoma, Txizimu txa Israyeli!

Mtuletelo 14:3

Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.

1 Samuwele 18:6

Ku to maheka koko, taku, mbimo yi va nga wona Dhavhidha a txi wuya ngu kuya daya Vafilista, vavasikati va dotshe didhoropa da ka Israyeli va to huma ve hingeta mfumeli Sawule, na va txi embelela ni kusinya, singomana, ngu kutsaka ni sivetaveta sa wuembeleli.

2 Samuwele 1:20

Mi nga geleni va Gati, Mi nga nuweleni tiruwani ka Asikeloni, kasiku va si tsaki vanana vamahorana va Vafilista, va si ndakandaki vanana vamahorana va makhuto.

2 Samuwele 6:14

Se Dhavhidha a to ndaka-ndaka ngu wotshe mtamo wakwe masoni ka Mkoma, na a di ambate efodhe ya linyu.

Masalmo 76:6

Ngako awe Txizimu txa Jakobe, u txi va dhusa, sikotxikani sawe ni mahantxhi awe sa ema.

Eksodha 15:4

A bhwabhwamelisile mu lineneni, sikotxikani ni dibutho da yimbi ya Faro; manganakana akwe o thembeka ma bhwabhwamete mu ka linene lo Bhilivila.