Eksodha 15:20 - Bhiblia Yo Sawuleka

²⁰ Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

Eksodha 15:20 Referans Kwoze

Masalmo 150:4

M'dhumiseni ngu tingoma ni kusinya; m'dhumiseni ngu sivetaveta sa tingoti ni misengele!

1 Samuwele 18:6

Ku to maheka koko, taku, mbimo yi va nga wona Dhavhidha a txi wuya ngu kuya daya Vafilista, vavasikati va dotshe didhoropa da ka Israyeli va to huma ve hingeta mfumeli Sawule, na va txi embelela ni kusinya, singomana, ngu kutsaka ni sivetaveta sa wuembeleli.

Masalmo 68:25

Vaembeleli va thangela masoni ni vaveti va sivetaveta msana; hagari ka vona ku ni mahorana, ma vetako singomana.

Valamuli 11:34

Mbimo yi Jefta a nga ti wuya m'tini kwakwe ka Misipa, mwanana wakwe wa dihorana a to huma a txi ya mu hingeta na a txi sinya ni kuveta singomana. I ti ti mwanana wakwe wammweyo ekha wa dihorana, hahanze kwakwe a ti sina mmwani mwanana wa mfana hambi wa dihorana.

Mitengo 26:59

Se ditina da msikati wa Anirami, i Jokebhedhi, mwana Levhi, awu a nga veleka Levhi a di Egipta; se awuwa i Anirami, a to veleka Aroni, ni Mosi, ni ndiyawe Miriyamu.

Mika 6:4

Kha ditshuri ni mi humisile ditikoni ka Egipta, ni ka nyumba ya wukhumbi ni mi tirute, kambe ni vekile Mosi, ni Aroni, ni Meriamo, masoni kwanu.

Masalmo 149:3

Va na dhumise ditina dakwe ngu kusinya; va na embelele va txi veta sitende ni tingoma!

Valamuli 4:4

Se Dhebhora, mprofeti wa txisikati, kata Lapidhoti, i ti ti mlamuli wa ka Israyeli ka yona yile mbimo.

Luka 2:36

A ti ti ho kambe mprofeti wa wamsikati, a nga ti dhanwa ku i Ana, mwanana wa Fanueli, wa lihunzu la ka Aseri. A ti ti kumbile ngutu.

Masalmo 81:2

Embelelani tindando, mi txi veta sikhitsi, embelelani, mi txi veta mbila ni haripa.

2 Vafumeli 22:14

Sekoko mphaxeli Hilikiya, ni Ahikamu, ni Akibhori, ni Safani, ni Asaya, va to tsula ka mprofeti wa txisikati Hulidha, msikati wa Salumi, mwana Tikivha, wa mwana Harasi, muwoneleli wa syambalo (a nga txi zumba ka didhawa da wumbidi da Jerusalema) veya mtxhamusela.

Eksodha 2:4

Se ndiyakwe mwanana wule wa mfana a ti ti dingilila a di kule nyana, a txi wonetela ati ti no humelela kwakwe.

Mithumo 21:9

Ene a ti ni mune wa vanana va sihoranana, ava va nga ti profeta.

Masalmo 68:11

Mkoma a leletile dipswi, se vavasikati vavangi ve huwelela mahungu awa:

Masalmo 30:11

Hindula kudila kwangu ku txi maha kusinya ka litsako; ni thavise mkhwasi u txi ni ambeka si ambalo sa litsako.

2 Samuwele 6:14

Se Dhavhidha a to ndaka-ndaka ngu wotshe mtamo wakwe masoni ka Mkoma, na a di ambate efodhe ya linyu.

1 Samuwele 10:5

Sekoko u naya mmangoni ka Txizimu, ahale ku ku ni vawoneleli va Vafilista; se ku na maheka taku, mbimo yi u no wulela didhoropani, u na mana mtxawa wa vaprofeti va txi relela ngu ka wukhalo wo guleka va di ni timbila, ni tingoma, ni misengele, ni maharipa; se va na profeta.

Valamuli 21:21

Se ngako mi txi wona vanana vamahorana va Silo, va txi huma ngu mitxawa kuya sinya, nanu mi na huma ngu mu ka mivhinya, se mmwani ni mmwani kwanu, a na ti ñolela msikati, ka mahorana a Silo, mi txi wuya navo ditikoni ka va ka Bhenjamini.

Mitengo 20:1

Wotshe msengeletano wa vanana va ka Israyeli, wu to hoka ka txiwula txa Zimi, ngu mtxima wo khata; se vathu ve gova ka wukhalo wa Kadhesi. Miriyamu a to fa ka wukhalowo, e tshotshwa konaho.

1 Vakorinto 11:5

Se wamsikati, wuhi ni wuhi, a khongelako mwendo a txhumayelako dipswi da Txizimu a sa sunga txilo ha msungo, a thavisa lisima msungo wakwe, nguko wo nga a to yolwa.

2 Samuwele 6:16

Se ku to maheka taku, va txi wuleta dibhokiso da Mkoma Didhoropani ka Dhavhidha, Mikali, mwanana wa dihorana wa Sawule, a to solela ngu ha ka difasitela, se e wona mfumeli Dhavhidha a txi ndaka-ndaka e sinya masoni ka Mkoma, a to mbwambwa ngu mbiluni kwakwe.

2 Samuwele 6:5

Se Dhavhidha ni votshe va nyumba ya ka Israyeli va to tsaka masoni ka Mkoma, ni totshe tixaka ta timbila to mahwa ngu mapulango a mikepresi, ni tiharipa sitende, ni singomana, ni titshodi, ni sigovilo.

1 Vakorinto 14:34

vavasikati va na malale misengeletanoni; vona kha va tumelelwi kuwombawomba. Kulaveka va txi ti veka hahatshi, kota kuwomba ka wona mlayo.

Mitengo 12:1

Se Aroni ni Miriyamu va to khata kulenga Mosi, ngu mhaka ya wamsikati wa ka Kuxe, a nga ti tekani ni Mosi; ngu kule a nga ti tekile wamsikati wa ka Kuxe.

Genesisi 31:27

Ngu kutxani u txi maha ngu kupfhuka, u txi ni kanganyisa, u si ni zivisi, kasiku hi salisana ngu litsako, hi txi embelela tindando, ni kupeka tingoma, ni kuveta sitende, kani?

2 Samuwele 1:20

Mi nga geleni va Gati, Mi nga nuweleni tiruwani ka Asikeloni, kasiku va si tsaki vanana vamahorana va Vafilista, va si ndakandaki vanana vamahorana va makhuto.

1 Makronika 6:3

Se vanana va Amiramu i Aroni, ni Mosi, ni Miriyamu; vanana va Aroni i Nadhabhi, ni Abhiyu, ni Eleyazari, ni Itamari.

1 Makronika 15:16

Se Dhavhidha a to womba ka vathangeli va Valevhi ta ku ve veka vanawe ka mthumo wa kuembelela, ngu sivetaveta, ni sitende, ni tiharipa, ni titshodi, kasi ku ve pfalisa, ve guleta mapswi ngu kutsaka.

Ekleziyaste 3:4

mbimo ya kudila, ni mbimo ya kuseka; mbimo ya xomulo, ni mbimo ya kusinya;

Jeremiya 31:4

Ni na kuaketa, u na va u di akilwe, awe wotuma wa Israyeli; u na tshumela u txi ti longisela sikhiti, u txi huma kuya sinya ngu kutsaka.

Mitengo 12:2

Va to womba-womba va txi kha vona: “Kasi Mkoma a to womba-womba ngu Mosi ekha kani?” Ina kha womba-womba ngu ngathu nathu kani? Se Mkoma a to engisa.

Nehemiya 6:14

Awe Txizimu txangu, alakanya Tobhiya ni Sambalati, madingano ni mithumo yiya, ni mprofeti wa txisikati Nowadhiya, ni vamwani vaprofeti, va nga ti lava ku ni dhukisela.

Masalmo 68:26

Dhumisani Txizimu misengeletanoni! Vathu votshe va ka Israyeli va na dhumise Mkoma!