Eksodha 15:2 - Bhiblia Yo Sawuleka

² Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Eksodha 15:2 Referans Kwoze

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Masalmo 118:14

Ani na bonga Mkoma a ni ningako mtamo; ene i Muhanyisi wangu!

Masalmo 18:46

Hanya Mkoma! A na dhumiswe mlweli wangu! Txi na kuliswe Txizimu, Muhanyisi wangu!

Masalmo 59:17

Kwako, Txizimu txangu, ni na embelela tindando ta ku kudhumisa, nguko awe u mkhokhola wangu wa hombe, awe u Txizimu txi txi ni randako!

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

Masalmo 140:7

Awe Mkoma Txizimu, u m'vhikeli wa kuhanyiswa kwangu, awe u tsivete msungo wangu ka ditshiku da kulwa.

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Vafilipiya 2:11

se totshe tidimi ti fanela kuhuwelela ti to Jesu Kristu ngene i ku Mkoma kasi ku na dhumiswa Txizimu Tate.

Masalmo 118:28

Awe u Txizimu txangu, se ani na ku bonga; awe u Txizimu txangu, ani ni na huwelela wuhombe wako.

Masalmo 99:5

Dhumisani Mkoma, Txizimu txathu; khizamani masoni ka txikhalo txakwe txa wukoma. Nguko Mkoma a Sawulekile!

Masalmo 34:3

Huwelelani ni nani wuhombe wa Mkoma; a hi embeleleni hotshethu, hi txi m'dhumisa.

Dhewuteronome 10:21

Mkoma ngene i ku wudhumo wako ni Txizimu txako, awule a nga ku mahela simaha sa hombe, so xamalisa, asi u nga si wona ngu maso ako.

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

2 Vakorinto 5:19

Eto tikomba ti Txizimu txi mahisako tona kasi kutshanganisa ditiko kumweko natxo ngu Kristu, na txi si na mhaka ngu minandu ya vathu; se txi hi ningile mthumo wuwa wa kutshanganisa vathu kumweko natxo.

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Masalmo 145:1

Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.

2 Samuwele 22:47

Mkoma wa hanya, ku na dhumiswe dirigwi dangu, kambe txi na guletwe Txizimu, dirigwi da kuhanyiswa kwangu!

Eksodha 14:13

Kambe Mosi a to khene ka vathu: “Mi nga thaveni; manekani mi di tsani, nguko nyamsi mi na wona ti Mkoma a no mi hulukisisa tona; nguko Vaegipta vava mi va wonako nyamsi, kha mi na mbiswa mi txi va wona kambe.

Eksodha 4:22

Sekoko u na ya gela Faro u txi khawe: Mkoma a womba tiya: Mwanana wangu wa matiwula ngu Israyeli.

Vaefesu 2:22

Kwakwe kambe, nanu mi akilwe kumweko ni vamwani, mi maha nyumba ya kuzumba Txizimu ngu Moya wa tona.

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Masalmo 109:1

Awe Txizimu txa kudhumisa kwangu, u nga malale.

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Eksodha 40:34

Sekoko, direfu di to fenengeta ditenda da msengeletano ni kuphatima ka Mkoma ku manekile ku txi tata ditenda do sawuleka.

Mtuletelo 19:1

Msana keto, ni to engisa txo nga diguwa da dibutho da hombe da vathu, di txi huwelela, di txi kha dona: “Haleluya! Kuhanyisa ni wudhumo ni mtamo si lumba Txizimu txathu.

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Johani 5:23

Kasiku votshe ve thava Mwanana, nga ti va thavisako tona Tate. Awu asi thaviko Mwanana, kha thavi ni Tate wu a nga mruma.”

Johani 4:22

Anu mi khozela txa ku ambi txi ziva, athu hi khozela txi hi txi zivako, nguko kuhanyiswa kuta ngu ka Vajudha.

Luka 2:30

Nguko maso angu se ma wonile kuhanyisa kwako;

Luka 1:77

Kasi kuzivisa kuhanyiswa ka vathu vakwe ni kudivalelwa ka sionho.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Jeremiya 32:38

Vona va na va vathu vangu, nanani ni nave Txizimu txawe.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Jeremiya 3:23

Kha ditshuri hi thembile walo kuhanyiswa ku kutako ngu mimwayani, ni ngolovanya ya mimwayani kha yi vhuni txilo. Kha ditshuri kuhanyiswa ka Israyeli kuta ngu ka Mkoma, Txizimu txathu.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Masalmo 132:5

kala kuza ni txi lavela Mkoma wukhalo, nyumba yo zumbela ka wona Txizimu txa mtamo txa Jakobe.”

Masalmo 68:20

Txizimu txathu, Njizimu txa kuhanyisa; se ka Mkoma Txizimu ku ni mtamo wo hulukisa ka lifo.

Masalmo 30:1

Ni na dhumisa wuhombe wako, Mkoma, nguko awe u ni hulukisile kambe khwa tumela ti to valala vangu va txi ni seka.

Masalmo 28:8

Mkoma ngene i ku mtamo wa ngamu yakwe; ene wa lwela ni kuhanyisa mfumeli wu a nga msawula.

Masalmo 22:10

Ni sanzi kuvelekwa, awe u ni xayisile; kukhukhela mndani ka mama, awe u Txizimu txangu.

Masalmo 22:3

Kambe awe u Msawuleki, awe u zumba ha txiluveloni, na u txi dhumiswa ngu Israyeli.

1 Vafumeli 8:27

I na ngu ditshuri txi ndi na zumba Txizimu ha mafuni kani? Wona taku tinzuma kala ka nzuma ya tinzuma kha ti sikoti ku u enela ka tona, se ngutu-ngutu nyumba yiya ni nga yi aka.

1 Vafumeli 8:13

Ngu ditshuri ni ku akete nyumba yo zumba ka yona, txitulu txo u zumba ka txona yotshe mbimo.

2 Samuwele 22:51

Ene ngene i ku txitezi txa kuhanyisa ka mfumeli wakwe, kambe a komba lirando ka wule wo totwa wakwe, ka Dhavhidha ni ka liveleko lakwe, kala kupinduka.

2 Samuwele 7:5

Tsula u ya gela txithumi txangu Dhavhidha u txi khawe: Mkoma a khene: Ina u nga ni akela nyumba yo ni zumba ka yona kani?

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Vakolosa 2:9

Nguko wuzimu wotshe wu akile ngu kutala mmidini kwakwe,

Genesisi 49:18

Mkoma, ni verela kutirulwa ngu ngawe!

Valamuli 5:21

Txinambwana txa Kixoni txi va kukuletile, mnambo wule wa kale, mnambo wa Kixoni. Awe moya wangu, tsimbila u di tsani!

Masalmo 48:14

“Nguko Txizimu txiya, ngu txona Txizimu txathu kala kupinduka. Ngu txona txi no hi thangela kala kufani!”

Habhakuki 3:13

Awe u humile kuya hulukisa vathu vako, kuya hulukisa msawuleki wako; awe u gangile msungo wa nyumba ya wo biha, u fumbula makhato a nyumba kala magwito. (Selahi)

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

2 Samuwele 7:24

Se u tsanisile vathu vako va ka Israyeli, kuva vathu vako kala kupinduka, kambe awe Mkoma u mahile Txizimu txawe.

2 Samuwele 22:3

Txizimu dirigwi dangu, ni na themba ka txona. Txitxhangu txangu, ni mtamo wa kuhanyiswa kwangu, dikhokhola dangu ni wuthavelo wangu. Awe Mhanyisi wangu, u ni hanyisile ka vale va ni xanisako.

1 Makronika 16:14

Ene Mkoma, Txizimu txathu; kululama kwakwe ku ka otshe mafu.

Masalmo 118:21

Na ku bonga, Mkoma, nguko u ni xamute, awe u Muhanyisi wangu.