Eksodha 15:19 - Bhiblia Yo Sawuleka

¹⁹ Nguko mbimo yile mahantxhi a Faro, ni sikotxikani sakwe, ni vagadhi va mahantxhi, va nga wulela lineneni, Mkoma a mahile ti to mati ma txi tshangana txitimwi kwawe; na kuve vanana va ka Israyeli va pindile ku di omile hagari ka linene.

Eksodha 15:19 Referans Kwoze

Vahebheru 11:29

Ngu likholo, va tshawunyetile Linene lo Bhilivila, nga vo tsimbila txitimwi ka mafu a kuoma; kasi Vaegipta, ngako va txi duketa kumaha toneto ni vona, va to mitwa ngu linene.

Mavingu 21:31

Dihantxhi di lulamiselwa ditshiku da yimbi, aniko kuxula kuta ngu ka Mkoma.

Isaya 43:17

wule a nga tisa txikotxikani ni dihantxhi, dibutho da yimbi ni mtamo; vona va wite kumweko, kha va na mbiswa ve wuka; va fuvisilwe, va timekile kufana ni ngoti ya dilambu.

Joxuwa 4:23

Nguko Mkoma, Txizimu txanu, a omisile mati a Jordhani masoni kwanu, kala kuza mi txi txhatuka, kufana ni kule Mkoma, Txizimu txanu, a nga maha ka Linene lo Bhilivila, a nga li omisa masoni kwathu, kala kuza hi txi tshawunyeta.