Eksodha 15:17 - Bhiblia Yo Sawuleka

¹⁷ Awe u na va wuleta ni ku va phaya ka mmango wu i kuthomba yako, wukhalo wule awe, Mkoma, u nga ti lulamisela kuzumba kona; wukhalo wo sawuleka Mkoma, wo akwa ngu manza ako.

Eksodha 15:17 Referans Kwoze

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Masalmo 80:8

U wuyisile ngu Egipta mndonga wa m'vhinya, u tutumisile vathu va mahedheni, u txi wu phaya.

Jeremiya 32:41

Ni na zilimukiswa ngu vona, ni txi va katekisa, kambe ni na va zimeka ditikoni muwa ngu mbilu yangu yotshe ni muhefemulo wangu wotshe.

Jeremiya 31:23

Mkoma wa Mabutho a Tiyimbi, i ku Txizimu txa Israyeli, a khene: Mi ngadi mi txi na womba dipswi diya ka Judha ni madhoropani kwakwe, mbimo yi ni no heta wukhumbi wawe: Mkoma a na kukatekisa, awe m'ti wa kululama, awe mmango wo sawuleka!

Jeremiya 2:21

Ni kuphaya ku nga mndonga wo tshura wa m'vhinya, wa lixaka la linene; u phemberukete txani u maha mndonga wa limwani lixaka kani?

Eksodha 15:13

Ngu wunene wako, u hulukisile ni kutsimbitisa ngamu yako ngu mtamo wako, u va tsimbitisile va txi ya ditikoni kwako ko sawuleka.

Eksodha 23:20

“Wona, na ruma ngelozi masoni kwako, ayi yi no kuxayisa hagari ka nzila, yi txi kuhokisa ka wukhalo wule ni nga kululamisela wona.

Eksodha 32:34

Tsula koko konkuwa, thangela vathu u txi ya ha ni nga kuleleta kona. Ngelozi yangu yi na thangela masoni kwako. Aniko ka ditshiku di ni nota thethisa, ni nata va tsayisa ngu txionho txawe.”

Dhewuteronome 33:19

Vona va na ramba vathu va txi ya mmangoni, ahale va no ya maha miningelo ya kululama, nguko va na mana tithomba ta lineneni, ni suma si si nga siswa hahatshi ka mtxhefa.”

2 Samuwele 7:10

Ni longisile wukhalo wa vathu vangu, va ka Israyeli, se ni na va simeka, kasiku ve zumba ka wukhalo wawe, va si ngadi ve thaviswa kambe, vanana va wubihi kha va na mbi ngadi kambe ve va xanisa kufana ni kale,

1 Vafumeli 8:13

Ngu ditshuri ni ku akete nyumba yo zumba ka yona, txitulu txo u zumba ka txona yotshe mbimo.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

Masalmo 68:16

Anu mimango yo demba, ngu kutxani mi wona ngu kubavela mmango wu Txizimu txi nga wu sawula kasi kumaha dizumbo da txona kani? Mkoma a na zumba ka wona kala kupinduka!

Masalmo 76:2

Nyumba ya txona ya wukhongeli yi maneka Jerusalema; m'ti wa txona wu mmangoni ka Siyoni.

Masalmo 80:15

Xayisa m'vhinya wuwa u nga wu phaya, tximilwa txi u nga txi kulisa.

Masalmo 114:2

Judha a to hinduka eva nyumba yo sawuleka ya Mkoma se Israyeli e maha mfumo wakwe.

Eksodha 25:8

Va na ni mahele nyumba yo sawuleka, kasiku ani ni sikota kuzumba hagari kwawe.

Joxuwa 22:19

Ngako ditiko da thomba yanu di sa sawuleka, tshawunyetani mi txi ta ka ditiko da thomba ya Mkoma, aha ku ku ni dibhokiso dakwe, mi txi ta zumba hagari kwathu. Aniko mi nga wukeleni Mkoma ni kambe mi nga hambaneni ni nathu, ngu ku ti akela txiluvelo txo hambana ni txiluvelo txa Mkoma, Txizimu txathu.

Ezekhiyele 37:26

Ni na maha navo txitumelelano txa kuthutha; i nava txitumelelano txa kwa mbi gwita; ni na va tsanisa ni va andisa, ni veka nyumba yangu yo sawuleka hagari kwawe yotshe mbimo.

Ezekhiyele 37:28

Se matiko ma na tiziva taku ani ngani Mkoma, ni sawulekisako Israyeli, mbimo yile nyumba yangu yo sawuleka yi no maneka hagari kwawe, yotshe mbimo.