Eksodha 15:15 - Bhiblia Yo Sawuleka

¹⁵ Sekoko vathangeli va Edhomi va na dhukiswa; ka vale va mtamo ngutu va Mowabhi, va na talelwa ngu kuthava votshe vazumbi Vakanana va na guma mtamo.

Eksodha 15:15 Referans Kwoze

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Joxuwa 2:11

Ngako hi di ti pfite eto, timbilu tathu ti to tsivala, se kha ku nga ni wammweyo wo tsana, ngu mhaka ya kumaneka kwanu; nguko Mkoma, Txizimu txanu, Njizimu txitimwi nzumani ni hahatshi mafuni.

Joxuwa 2:9

Se a txi ya khene ka vavamna vale: “Na tiziva ti to Mkoma a mi ningile ditiko diya, ni ti to kuthisa kwanu ku txitimwi kwathu, niku votshe vaaki va ditiko va gumile mtamo masoni kwanu.

Dhewuteronome 2:4

Leleta vathu u txi khawe: Anu mi na pinda ngu ka ditiko da vananu, i ku vanana va Esawu, avale va nga aka Seyiri; se vona va na mi thava, kambe mi fanate kutiwonela ngutu;

Genesisi 36:40

Mthangeli Timina, mthangeli Alivha, mthangeli Jetete,

Habhakuki 3:7

Ni wona matenda ya Kusani ma di kupandisekani; matenda a ditiko da Midhiyani ma txi dhudhumela.

Nahume 2:10

A na sala i ti diphanga, a di gumile, i di marumbi; se mbilu ya bhibhika, ni mazolo ma dhudhumela, kambe wotshe msana wa panda; ni tikhohe tawe votshe ta kwalala.

Ezekhiyele 21:7

Ina mbimo yile va no kha vona: U hefemuteka ngu kutxani kani? Awe u na khawe: Ngu mhaka ya ti tatiphya titako; se totshe timbilu ti na tsivala, otshe manza ma na karala, wotshe moya wu na xomuleka, ni otshe mazolo ma na txutxeka me maha mati; wona taku tata, kambe ti na maheka, kuwomba Mkoma Txizimu.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Isaya 13:7

Mawoko otshe ma na pwata mtamo, ni totshe timbilu ta vathu ti na rereka.

Masalmo 68:2

va mwalala nga wutshi hagari ka mpfhuka, va nyivilika nga phula ha mndiloni. Ngu tonti vathu vo biha va fisako tona, masoni ka Txizimu!

2 Samuwele 17:10

Sekoko hambi wamwamna wa mtamo, wa mbilu yo nga ya ngonyamo, kha ditshuri a na tsivala; nguko votshe va ka Israyeli va tiziva ti to tate wako a ni mtamo, ni vavamna vale a ku navo va ni mtamo.

1 Samuwele 14:16

Vawoneleli va Sawule koko, vale va nga ti Gibheya ka Bhenjamini, va to wona vathu va txi thekela ngu kututuma, na va txi gumulana.

Joxuwa 14:8

Aniko vanathu, avale ni nga ti tsute navo, va to dhukisa vathu; kasi ani ni to simama ni themba Mkoma, Txizimu txangu.

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Dhewuteronome 20:8

Se va na simama vathangeli va mazana ve womba ka vathu, va txi kha vona: “I mani a ku ni dizowa, awu a nga wika msana kani? A na khukhe a txi tsula m'tini kwakwe, kasi wupwembwe wakwe wu si tshapeli ka vanawe.”

Genesisi 36:15

Avava ngu vona vathangeli va vanana va Esawu; i ku vanana va Elifazi, matiwula a Esawu, i ku vava: Mthangeli Temani, mthangeli Omari, mthangeli Sefo, mthangeli Kenazi,

Masalmo 48:5

Vambe, va di di woni, va tate ngu kuxamala, se va to dhuka ve tutuma ve thava.

Jeremiya 49:23

Xungetano ngu Dhamasku, a vile ni tingana Hamati ni Aripadhe, ni mbimo yile va nga pfa mahungu a maphya o biha, va to tsivala; lineneni ku ni kuxaniseka, kuwalo kuthutha.

Genesisi 36:16

mthangeli Gayetamu, ni mthangeli Amaleki; avava ngu vona vathangeli va Elifazi, ditikoni ka Edhomi; ngu vona vanana va Adha.

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.