Eksodha 15:14 - Bhiblia Yo Sawuleka

¹⁴ Vathu va na tipfa, va na dhudhumela; Vazumbi va ditiko da Vafilista va ñolwa ngu kuthava.

Eksodha 15:14 Referans Kwoze

Dhewuteronome 2:25

Kukhukhela ka nyamsi, ni na khata kuthela dizowa, ni txidhukisa, ngu ngawe, otshe matiko awa ma ku hahatshi ka nzuma. Vathu va kona va na engisa nduma yako, va txi dhudhumela ngu dizowa masoni kwako, ve guma mtamo.

Isaya 14:31

Peka huwa awe txike; kwangula, awe didhoropa; nyunguluka awe ditiko dotshe da Vafilista; nguko ku na huma wutshi ngu Wutxani, ka mbimo ya kona kha ku na mbiva ni wammweyo wo sala ekha.

Masalmo 48:6

Va to telwa ngu dizowa va txi pandiseka kufana ni wamsikati wu a lumwako ngu txirumbu;

Joxuwa 9:24

Sekoko va to xamula ka Joxuwa, va txi kha vona: “Ngako kha ditshuri ku nga ziviswa ka sithumi sako taku, Mkoma, Txizimu txako, a leletete Mosi, txithumi txakwe, ti to a txi mi ninga dotshe ditiko diya, ni kufuvisa votshe vaaki va ditiko masoni kwanu, hi ni kuthava ngutu ka wutomi wathu ngu mhaka yanu. Ngu mhaka yeto, hi mahile tiya.

Mitengo 14:14

Se vona va na womba ka vaaki va diya ditiko, nguko vona va engisile ti to awe Mkoma, u zumba hagari ka vava vathu, ni ti to awe wa kombisa khohe yako, ni direfu dako di zumba txitimwi kwawe, ni yimwani mhaka ta ziwa ti to ni mitshikari wa thangela masoni kwawe ngu direfu, ni wusiku kambe waho ngu kutura ka mndilo.

Isaya 14:29

U nga tsake, awe ditiko dotshe da Vafilista, ngu kule yi nga funywa ndonga yile yi nga ti ku peka, nguko amu ka mtwi wa mnyoka ku na huma txifofo, se m'hando wa kona i nava mnyoka wo tura, wu purumako.

Mitengo 22:5

Ene a to ruma mitumi kuya dhana Bhalahamu, mwana Bheyori, ditikoni ka Petori, di ku hafuhi ni mnambo, ka ditiko da vanana va maxaka akwe, a txi khene: A hi ti woneleni, nguko vaho vathu va nga khukha ngu Egipta; va fenengetile otshe mafu, ve ta aka ni kugova ngu masoni kwangu!

Joxuwa 10:2

a to telwa ngu dizowa ngutu, ene ni vathu vakwe, nguko Gibheyoni i ti ti Didhoropa da Hombe, kufana ni mamwani madhoropa a wukoma, i ti ti da hombe kupinda Ayi, ni vavamna va kona i ti ti tindena.

1 Samuwele 4:7

Se Vafilista va to thava, nguko va ti ti kha vona: Txizimu txi tile wugoveloni. Va txi kha vona kambe: Dikhombo kwathu! Nguko kha ti khali kumaheka to fana ni tiya ka masiku a kale.

1 Makronika 14:17

Ngu kumaha keto, ditina da Dhavhidha di to hangalaka ka otshe matiko ale; se Txizimu txi to maha taku, e thaviseka txitimwi ka votshe vathu vale.

Isaya 23:5

Kufana ni vavaphya va Egipta, ku nava ni kupanda ngako ku txi na pfala ta Tiro;

Ezekhiyele 32:9

Kambe ni na dayisa timbilu ta vathu votala, mbimo yile ni no kukhundumusa hagari ka matiko, ka matiko ale u nga mbi ma ziva.

Habhakuki 3:7

Ni wona matenda ya Kusani ma di kupandisekani; matenda a ditiko da Midhiyani ma txi dhudhumela.

Joxuwa 2:11

Ngako hi di ti pfite eto, timbilu tathu ti to tsivala, se kha ku nga ni wammweyo wo tsana, ngu mhaka ya kumaneka kwanu; nguko Mkoma, Txizimu txanu, Njizimu txitimwi nzumani ni hahatshi mafuni.

Joxuwa 9:9

Se va ka Gibheyoni va to mxamula, va txi kha vona: Sithumi sako sita ngu ka ditiko da kule ngutu, ngu mhaka ya ditina da Mkoma, Txizimu txako, nguko hi pfite nduma yakwe, ni totshe ti a nga maha kona Egipta;

1 Samuwele 4:8

Dikhombo kwathu! I mani a no hi txhatxhisa manzani ka sizimu siya sa hombe kani? Asiya ngu sona sizimu si si nga xasela Vaegipta, ngu yotshe mitungu txiwulani.

Masalmo 48:7

kufana ni txihuhuka txi txi tako ngu wutxani, txi phatulelako tingalava ta Tarxixi.

Habhakuki 3:6

Txi to ema txi pima mafu; txi to wona txi hambanisa mifumo, se mimango yo pindukela yi to bhandekela, simangwana sa kwa mba na magwito si to khizama; kutsimbila ka kwa mba gwita nga Txizimu.