Eksodha 15:10 - Bhiblia Yo Sawuleka

¹⁰ U futetile ngu moya wako, se linene li va mitile; va bhekile nga simbi, va txi ya hahatshi ka mati.

Eksodha 15:10 Referans Kwoze

Isaya 11:15

Se Mkoma a na khundumusa do gwita diwoko da Linene la Egipta, a na guleta dianza dakwe e wukela mnambo ngu mtamo wa moya wakwe, e wu peka wu maha mtxhanu wa minambo ni yimbidi, ti to ni wuhi e txhatuka a di ni tikathula.

Dhewuteronome 11:4

ni ti ene a nga maha ka dibutho da yimbi ya Egipta, ni ka sikotxikani sawe, ni ka mahantxhi awe, ati a nga maha ta ku va bhwabhwamelisa lineneni ko Bhilivila, mbimo yi vona va nga txi mi hinga, ahawa Mkoma a nga va fuvisa, kala ni nyamsi;

Eksodha 15:5

Mavimbi ma va tsitsivetile; va bhekile nga marigwi va txi ya kutshimani.

Eksodha 14:21

Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Matewu 8:27

Se vathu va to xamala va txi kha vona: “I m'thu muni wuwa wa ku hambi txihuhuri ni linene si txi mu engisa kani?”

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Jeremiya 10:13

Ngako a txi guleta dipswi dakwe, mati ma dhinda nzumani, wa maha marefu ma txita ngu magwito ka mafu, a rumela singwalangwanda kumweko ni nzuma, ni kuhumisa diphuho ngu sisangalani kwakwe.

Masalmo 147:18

Ngu msana wa rumela dimwani dipswi, se maralala me nyivilika; wa ruma diphuho, di txi futeta, se mati ma txi khulunga.

Masalmo 135:7

Ene wa wuyisa marefu a diphuho ngu magemeta-mitshi ka mafu; wa humisa singwalangwanda, wa wisa mati a nzuma wa tulela maphuho me huma ngu ku khotelwani ka ona.

Genesisi 8:1

Se Txizimu txi to alakanya Nowa ni sotshe sihari sa txitinga ni sotshe sifuyo si a nga ti naso ngalavani; Txizimu txi to maha diphuho di txi futeta txitimwi ka ditiko, se mati ma to khata kuphwa.

Mavingu 30:4

I mani a nga nga kwela nzumani, e gwita e txhika kani? I mani a nga nga fumbareta moya ngu manza kani? I mani a nga nga phutela mati amu ka simaha kani? I mani a nga nga veka mihingano ya mafu kani? I mani ditina dakwe, ni ditina da mwanana wakwe, mwendo wa di ziva kani?

Jeremiya 46:17

Va to peka huwa konaho: Faro, mfumeli wa Egipta, diguwa da walo; “a tshotshile walo mbimo.”

2 Samuwele 18:8

Nguko yimbi yi to fenengeta dotshe ditiko; txitinga txi to lovisa vavangi kupinda vale va nga dawa ngu ditxhari, ka dona ditshiku dile.

Nehemiya 9:11

Aniko u to va abanisela linene masoni kwawe, se ve pinda ngu hagari ka linene, li di omile; u rinza valala vako mazivani, va txi nga marigwi amu ka mati o tutuma.