Eksodha 15:1 - Bhiblia Yo Sawuleka

¹ Sekoko ka yona yile mbimo, Mosi ni vanana va ka Israyeli va to embelela ndando yiya ve dhumisa Mkoma, va txi kha vona: Ni na embelela ni dhumisa Mkoma, nguko a gulekile ngutu; A tshotshile lineneni dihantxhi ni m'gadhi wa dona.

Eksodha 15:1 Referans Kwoze

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Eksodha 15:21

Miriyamu a ti ti va embelelisa, a txi khene: “Embelelani mi dhumisa Mkoma, nguko a ti ambekile wudhumo; kambe a tshotshile lineneni dihantxhi ni m'gadhi wa dona.”

Masalmo 106:12

Sekoko va to kholwa ka mapswi a Txizimu ve txi dhumisa ngu kuembelela tindando.

Masalmo 107:8

Bongani Mkoma, ngu mhaka ya wunene wakwe ni sidiwukiso sakwe a mahelako vathu!

Vakolosa 2:15

Kristu a fuvisile mtamo wa mimoya ya wunduna ni wukoma, e yi xowokisa masoni ka vathu, e yi xula ko gwitisa ngu txihambano.

Masalmo 107:15

Bongani Mkoma, ngu mhaka ya lirando lakwe ni sidiwukiso sakwe a mahelako vathu!

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Eksodha 14:27

Sekoko Mosi a to nawuluta dianza dakwe txitimwi ka linene, kutxani ka kona ni mixo, lona li to wuya ha wukhaloni ka lona. Vaegipta, mbimo yi va nga ti thava, va to tshangana ni mati. Mkoma a to bhwabhwamelisa Vaegipta hagari ka linene.

Mitengo 21:17

(Sekoko va ka Israyeli va to embelela ndando yiya: Mati ma na vhele, se anu ma embeleteni.

Nehemiya 9:11

Aniko u to va abanisela linene masoni kwawe, se ve pinda ngu hagari ka linene, li di omile; u rinza valala vako mazivani, va txi nga marigwi amu ka mati o tutuma.

Jobe 36:24

Alakanya kukulisa mithumo yako, ayile yi wonwako ngu vathu.

Masalmo 32:7

Awe u wuthavelo wangu; Awe wa ni xayisa kuxanisekani; Awe wa ni tsanisa ngu tindando To tsanikisa ti txhatxhisako.

Masalmo 76:6

Ngako awe Txizimu txa Jakobe, u txi va dhusa, sikotxikani sawe ni mahantxhi awe sa ema.

Masalmo 105:43

Se txi humisile vathu va txona va di tsakile vasawuleki va txona va txi peka mikulungwani.

Mavingu 29:6

Ku ni mlawu masoni ka m'thu wu i ku m'hambunyeti, aniko awule wo lulama, o embelela e ti tsakela ngutu.

Isaya 42:10

Embelelani ka Mkoma dando ya yiphya, ni ku m'dhumisa kukhukhela magwito ka mafu, anu mi sambelako lineneni, ni sotshe si si ku ka lona; anu sitondolo, ni vaaki va sona.

Jeremiya 51:21

kambe kumweko ni nawe ni phatulela dihantxhi ni m'gadhi wa dona; kambe kumweko ni nawe ni na phatulela txikotxikani ni wule a ku ka txona;

Habhakuki 3:18

Hambi keto, ani na tsaka ka Mkoma; ni na guleta Txizimu txa kuhanyiswa kwangu.

Eksodha 14:26

Se Mkoma a to khene ka Mosi: “Nawuluta dianza dako txitimwi ka linene, kasiku, mati me tshumela ma txi tshangana ma txi mita Vaegipta, sikotxikani sawe ni vagadhi vawe va mahantxhi.”

Masalmo 76:7

Awe, Mkoma, wa thisa ka votshe; kuwalo wo tsana e tserama masoni kwako, ngako u di henyile.

Hoseya 2:17

Ni na thavisa matina a va ka bhahali txisofuni kwako, ni matina awe kha ma na mbi khumbukwa kambe.