Eksodha 14:7 - Bhiblia Yo Sawuleka

⁷ a to teka 600 wa sikotxikani so sawulwa ni sikotxikani sotshe sa ditikoni ka Egipta, ni tinduna totshe ti txi va ti di txitimwi ka ona otshe.

Eksodha 14:7 Referans Kwoze

Eksodha 15:4

A bhwabhwamelisile mu lineneni, sikotxikani ni dibutho da yimbi ya Faro; manganakana akwe o thembeka ma bhwabhwamete mu ka linene lo Bhilivila.

Isaya 37:24

Ngu sithumi sako, u sote Mkoma u txi khawe: Ngu sikotxikani sangu sasingi, ni kwelete titshokani ka mimango, madhawani ka Libhanoni; kambe ni na gangela mikedhari yakwe yo lapha, ni mikhure ya kona yo tshura, ni na hoka tshokani ka kona ko guleka ngutu, ka txitinga txa thembwe yakwe yo nona.

Masalmo 68:17

Sikotxikani sa Txizimu magumi mambidi a ma 1.000 a ma 1.000 ni ma 1.000; Mkoma a tile ngu Sinayi a txi ta wukhaloni ko sawuleka.

Masalmo 20:7

Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

Valamuli 4:15

Mkoma a to hangalasa Sisera ni sotshe sikotxikani sakwe, ni votshe vathu vakwe va yimbi masoni ka Bharake. Sisera a to ndaka a txi jatama ngu ka txikotxikani txakwe, e tutuma ngu mikondo.

Valamuli 4:3

Sekoko vanana va ka Israyeli va to peka huwa ka Mkoma, nguko Jabhini a ti ti ni 900 wa sikotxikani sa tisimbi, kambe a xuphile vanana va ka Israyeli mndani ka magumi mambidi a malembe.

Eksodha 14:23

Vaegipta va nga ti valondeta va to wulela ni vona msana kwawe, mahantxhi otshe a Faro, sikotxikani sakwe ni vagadhi vakwe va mahantxhi, kala hagari ka linene.

Eksodha 14:6

Faro a to ruma kupanisa txikotxikani txakwe txa yimbi e teka kambe dibutho dakwe da yimbi e tsula nado,

Eksodha 14:8

Mkoma a to bangisa mbilu ya Faro, mfumeli wa Egipta, se ene a to londeta vanana va ka Israyeli, mbimo yi vona va nga ti huma ngu diwoko da wundena.

Genesisi 50:9

Kumweko navo kutsute sikotxikani ni mahantxhi, ni vagadhi va ona: I ti dibutho da hombe ngutu.