Eksodha 14:4 - Bhiblia Yo Sawuleka

⁴ Ani ni na maha ti to Faro a txi bangisa mbilu yakwe, se ene a na mi tutumela, kambe ani ni na komba mtamo wangu ni txi m'wukela ene kumweko ni dibutho dakwe da yimbi: Vaegipta va na tiziva ti to ani ngani Mkoma.” Se va ka Israyeli va to maha toneto.

Eksodha 14:4 Referans Kwoze

Varoma 9:17

Ngu toneto, Mibhalo yi wombako ka Faro, yi txi kha yona: “Ni ku wusile kasiku ni komba mtamo wangu ngu kwako, ni kuva ditina dangu di txi pfaliswa ka dotshe ditiko.”

Eksodha 7:5

Sekoko Vaegipta va na tiziva ti to ani ngani Mkoma, ngako ni txi nawuluta dianza dangu txitimwi ka Egipta, ni txi humisa vanana va ka Israyeli hagari kwawe.

Eksodha 7:3

Aniko ani koko, ni na bangisa mbilu ya Faro, kambe ni na andisa mu ditikoni ka Egipta sikombiso sangu ni sidiwukiso sangu.

Eksodha 9:16

se ngu mhaka ya toneto, ni ku lekile ni txi ku emisa kasi ku ni txi kukomba mtamo wangu, ni ti to ditina dangu di txi huwelelwa ha ditikoni kotshe.

Eksodha 7:17

Ngu tiya Mkoma a nga womba: Konkuwa u na tiziva ti to ani ngani Mkoma: Ngu ndonga yiya ni ku nayo manzani ni na peka mati a mnambo, se ona ma na hinduka ma txi maha mnoha.

Varoma 11:8

Nga ti ti nga bhalwa taku: “Txizimu txi va ningile moya wa mphume wa hombe; ni maso a ku ambi wona, ni tinzeve ta ku ambi engisa, ni nyamsi i ngadi toneto.”

Ezekhiyele 39:13

Ina, votshe vathu va ditiko va na ya va tshotsha, kambe kwawe di na alakanywa ditshiku di ni no dhumiswa ngu dona, kuwomba Mkoma Txizimu.

Ezekhiyele 28:22

Se i nda khawe: Mkoma Txizimu a khene: Wona taku na kuwukela awe Sidhoni, kambe ni na dhumiswa hagari kwako, mi na tiziva taku ani ngani Mkoma, mbimo yi ni no mlamula, ni txi ti sawulekisa kwakwe.

Ezekhiyele 20:9

Ati ni nga maha koko, i mhaka ya kuranda ditina dangu, kasi di si ruketelwi masoni ka vamatiko, vale va ku hagari ka vona, avo ni nga ti wonekisa ka vona, kasi ku va humisa Egipta.

Nehemiya 9:10

U kombisile sixamaliso ni sidiwukiso ka Faro, ni ka sotshe sithumi sakwe, ni ka vathu votshe va ditiko dakwe, nguko wu ti zivile ti va nga xanisisa tona vathu vako, se ngu kumaha keto u ti manete ditina, kufana ni ti ti wonekako nyamsi.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Eksodha 14:8

Mkoma a to bangisa mbilu ya Faro, mfumeli wa Egipta, se ene a to londeta vanana va ka Israyeli, mbimo yi vona va nga ti huma ngu diwoko da wundena.

Varoma 9:18

Ngu toneto, Txizimu txi mahela wumbilu awule txi ti lavako ku mmahela, txi bangisa mbilu ya wule txona txi ti lavako ku m'bangisa.

Eksodha 10:27

Kambe Mkoma Txizimu txi bangisile kambe mbilu ya Faro, aha ko ene kha tumela ku va leka va txi tsula.

Eksodha 14:3

Sekoko Faro a na khene ngu vanana va ka Israyeli: Va timete nzila ha mafuni, txiwula txi va ranganetile.

Eksodha 14:5

Ngako mfumeli wa Egipta a di zivisilwe ti to vathu va thavile, mbilu ya Faro ni timbilu ta mahalamu akwe ti to txitxeka ve wukela vathu. Se vona va to womba va txi kha vona: “Hi mahile tiya ngu txani, hi txi leka va ka Israyeli ve tsula, ve leka ku hi thumela kani?”

Eksodha 14:23

Vaegipta va nga ti valondeta va to wulela ni vona msana kwawe, mahantxhi otshe a Faro, sikotxikani sakwe ni vagadhi vakwe va mahantxhi, kala hagari ka linene.

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Ezekhiyele 32:15

Mbimo yi ni no maha taku ditiko da Egipta di va dirumbi, di maha txisapa txo gwita, ni dayela votshe vale va zumbako ka dona, sekoko va na tiziva ti to ani ngani Mkoma.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

Eksodha 10:2

Kambe awe u na xawutela ka vanana vako, ni ka vanana va vanana vako, sidiwukiso si ni nga si maha ditikoni ka Egipta ni sikombiso si ni nga si maha hagari kwawe; kasi mi na ziva ti to ngani Mkoma Txizimu.”

Eksodha 12:28

Vanana va ka Israyeli va to khukha va txi tsula va txi ya maha toneto; nga ti Mkoma a nga womba ka Mosi ni ka Aroni, va to maha nga toneto.

Joxuwa 11:20

Nguko Mkoma ngene a nga bangisa timbilu ta vathu vale, ti to ve huma va txi yalwa ni Israyeli, kasi ku a txi va lovisa do gwita, asi va tsetsi, aniko e va lovisa votshe, nga tile Mkoma a nga leleta ka Mosi.

Valamuli 4:7

Se Sisera, mthangeli wa dibutho da Jabhini ni na mndindela kwako, kumweko ni sikotxikani sa kona, ni dibutho da kona, txinambwanani ka Kixoni, kambe ni txi mningela manzani kwako.”

Ezekhiyele 38:16

Se u na wukela vathu vangu va ka Israyeli, kufana ni direfu, di txi fenengeta ditiko; ngu magwito ka masiku, ku na maheka taku ni txi kutisa u ta wukela ditiko dangu, kasi ku matiko ma txi na ni ziva, mbimo yi ni no va ni di sawulekisile maso ako, awe Goge.

Ezekhiyele 38:23

Ngu kumaha keto, ni na ti kulisa, ni txi ti sawulekisa, ni na ti zivanekisa masoni ka matiko amangi; se va na tiziva taku ani ngani Mkoma.