Eksodha 14:31 - Bhiblia Yo Sawuleka

³¹ Mbimo yi vanana va ka Israyeli va nga wona txitsayiso txa hombe txi Txizimu txi nga txi maha ka Vaegipta, va to thava Mkoma, ve kholwa kwakwe ni ka Mosi txithumi txakwe.

Eksodha 14:31 Referans Kwoze

Johani 2:11

Makhato awa a sidiwukiso, Jesu a ma mahete Kana ka Galileya, e komba wudhumo wakwe, se vagondiswa vakwe va to kholwa kwakwe.

Johani 11:45

Konaho, Vajudha vavangi, va nga ti tile ka Mariya, ngako va di woni ati Jesu a nga ti maha, va to kholwa kwakwe.

Luka 8:13

Ava va ku ha marigwini, ngu va va nga engisa dipswi, ve di amukela ngu kutsaka, kambe ve pwata mikoloti, va txi tumela ngu mbimoanyana; se ngu mbimo ya txiduko, va rereka.

Masalmo 119:120

Mmidi wangu wa dhudhumela ngu dizowa masoni kwako, ngu txithavo txi ni ku natxo ka mithetho yako!

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

Eksodha 19:9

Se Mkoma a to ni gela ku khene: “Wona taku ani ni nata kwako ngu mu ka direfu do phumela, kasi ku vathu va txi ni engisa ni txi womba-womba ni nawe, kasiku kambe va txi kholwa ngu ha ku si gwitiko.” Aha Mosi a nga txhamusela ka Mkoma mapswi a vathu votshe,

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Mithumo 8:13

Nene Simoni a to tumela e bhabhatiswa e londeta Filipi. Se a txi xamala ngutu ngu kuwona sikombiso ni sidiwukiso sa hombe si nga ti mahwa.

1 Samuwele 12:18

Sekoko Samuwele a to kombela ka Mkoma, se ka ditshiku donedo Mkoma a to dhindisa txingwalangwanda ni kunisa mati; ngu kumaha keto, vathu votshe va to thava ngutu masoni ka Mkoma ni ka Samuwele.

Vahebheru 3:5

Se Mosi, a ti thembekile mndani ka yotshe Nyumba ya Txizimu, kota txithumi, kasi ku e maha fakazi ya totshe ti ti nga ti fanete kuwombwa.

Joxuwa 4:24

Kasi ku votshe vathu va ha mafuni, va txi ziva tito, dianza da Mkoma nda mtamo, kasi ku mi txi thava Mkoma, Txizimu txanu, otshe masiku.

1 Samuwele 12:16

Konkuwa emani nanu hawa mi wona mhaka yiya ya hombe, yi Mkoma a no yi maha masoni kwanu.

Nehemiya 9:9

U woni kuxupheka ka vatate vathu kona Egipta, u engisile kudila kwawe, hafuhi ni linene lo Bhilivila.

Joxuwa 4:14

Ka ditshiku dile, Mkoma a to kulisa Joxuwa masoni ka votshe va ka Israyeli, se va to va ni txithavo, nga ti va nga mahisa tona ka Mosi, ka otshe masiku a kuhanya kwakwe.

Joxuwa 24:7

Se va to dila ka Mkoma, ene a to veka mtema hagari kwanu ni Vaegipta, e wuyisa linene txitimwi kwawe li va mita. Anu mipune mi ti woni ngu maso anu, ati ani ni nga maha Egipta. Msana keto, mi zumbile txiwulani masiku amangi.