Eksodha 14:27 - Bhiblia Yo Sawuleka

²⁷ Sekoko Mosi a to nawuluta dianza dakwe txitimwi ka linene, kutxani ka kona ni mixo, lona li to wuya ha wukhaloni ka lona. Vaegipta, mbimo yi va nga ti thava, va to tshangana ni mati. Mkoma a to bhwabhwamelisa Vaegipta hagari ka linene.

Eksodha 14:27 Referans Kwoze

Joxuwa 4:18

Se ku to maheka taku, mbimo yile vaphaxeli vale va nga ti rwate dibhokiso da txitumelelano va nga huma ngu hagari ka mnambo wa Jordhani, mikondo ya vaphaxeli yi txi ema ka kuoma, mati a Jordhani ma to wuya ka wukhalo wa ona, ma txi khulunga ka sotshe sinambwana sa ona.

Masalmo 78:53

Txi va thangete ve tsimbila ngu kutsana va si thavi txilo, txi mbembisile valala vawe lineneni.

Vahebheru 11:29

Ngu likholo, va tshawunyetile Linene lo Bhilivila, nga vo tsimbila txitimwi ka mafu a kuoma; kasi Vaegipta, ngako va txi duketa kumaha toneto ni vona, va to mitwa ngu linene.

Dhewuteronome 11:4

ni ti ene a nga maha ka dibutho da yimbi ya Egipta, ni ka sikotxikani sawe, ni ka mahantxhi awe, ati a nga maha ta ku va bhwabhwamelisa lineneni ko Bhilivila, mbimo yi vona va nga txi mi hinga, ahawa Mkoma a nga va fuvisa, kala ni nyamsi;

Nehemiya 9:11

Aniko u to va abanisela linene masoni kwawe, se ve pinda ngu hagari ka linene, li di omile; u rinza valala vako mazivani, va txi nga marigwi amu ka mati o tutuma.

Masalmo 106:11

Mati ma mitile valala vawe; ve fa, ku si sali ni wammweyo.

Masalmo 136:15

A bhwabhwamelisile Faro ni dibutho dakwe, ka Linene lo Bhilivila; nguko lirando lakwe nda kala kupinduka!

Isaya 10:26

Nguko Mkoma wa Mabutho a Tiyimbi, a na guleta ndonga yakwe txitimwi kwawe, kufana ni kudawelwa ka Midhiyani, hafuhi ni dirigwi da Orebhi, kufana ni kule a nga guleta ndonga yakwe txitimwi ka linene, a na yi guleta kambe kufana ni tile ti nga maha ka Vaegipta.

Joxuwa 24:7

Se va to dila ka Mkoma, ene a to veka mtema hagari kwanu ni Vaegipta, e wuyisa linene txitimwi kwawe li va mita. Anu mipune mi ti woni ngu maso anu, ati ani ni nga maha Egipta. Msana keto, mi zumbile txiwulani masiku amangi.