Eksodha 14:25 - Bhiblia Yo Sawuleka

²⁵ Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”

Eksodha 14:25 Referans Kwoze

Eksodha 14:14

Mkoma a na lwa ngu nganu, kambe anu mi na malala mi txi dwe!”

Jeremiya 51:21

kambe kumweko ni nawe ni phatulela dihantxhi ni m'gadhi wa dona; kambe kumweko ni nawe ni na phatulela txikotxikani ni wule a ku ka txona;

Jobe 20:24

Hambi a nga tutuma e thava matxhari a tisimbi, aniko wulaho wa txikete wu na mfula.

Dhewuteronome 3:22

Mi nga va thaveni, nguko Mkoma, Txizimu txanu, ngene a mi lwelako!”

Amosi 9:1

Ni woni Mkoma a nga ti emeli hafuhi ni txiluvelo se a txi ni gela a txi khene: Peka txitimwi ka tiphande u dekadekisa matimba otshe, sotshe u si maha sikhwemu txitimwi ka misungo ya votshe; se ani ni na va daya ngu ditxhari kala ka wo gwitisa khawe; a wu a ku na tutuma kwawe, kha na mbi huluka, hambi wu a no huluka kha na mbi hanya.

Amosi 5:19

Ku nga m'thu wo tutuma masoni ka ngonyamo, se eya tshangana ni txikakaka, mwendo ku nga o wulela nyumbani, e veka diwoko hadisetani, se e lumwa ngu mnyoka.

Masalmo 76:6

Ngako awe Txizimu txa Jakobe, u txi va dhusa, sikotxikani sawe ni mahantxhi awe sa ema.

Masalmo 68:12

“Vafumeli ni mabutho awe ndivale va thava, m'tini vavasikati va phakelana sile si nga honyolwa ka mlala.”

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

Jobe 27:22

Se Txizimu txi na tisa txikarato txitimwi kwakwe, kha txi na mbi mtsetsa; a na tutuma manzani ka txona.

Jobe 11:20

Aniko maso a vo biha ma na pfhupela; wuthavelo wa ona wu na mwalala; kuverela kwawe, i nava kuhuma ka muhefemulo.

Amosi 1:14

Ngu toneto, ni na veka mndilo ka diguma da Rabha, wu na tshokomisa tinyumba tawe ta wukoma, ngu diguwa da sidilo, ka ditshiku da kulwa, ni moya wa hombe, ka ditshiku da xomulo.

Valamuli 4:15

Mkoma a to hangalasa Sisera ni sotshe sikotxikani sakwe, ni votshe vathu vakwe va yimbi masoni ka Bharake. Sisera a to ndaka a txi jatama ngu ka txikotxikani txakwe, e tutuma ngu mikondo.

Eksodha 14:4

Ani ni na maha ti to Faro a txi bangisa mbilu yakwe, se ene a na mi tutumela, kambe ani ni na komba mtamo wangu ni txi m'wukela ene kumweko ni dibutho dakwe da yimbi: Vaegipta va na tiziva ti to ani ngani Mkoma.” Se va ka Israyeli va to maha toneto.

Eksodha 14:18

Se Vaegipta va na tiziva ti to ani ngani Mkoma, ka mbimo yi ni no dhumiswa ka Faro, ka sikotxikani sakwe ni ka vagadhi vakwe va mahantxhi.”

Dhewuteronome 32:31

Nguko dirigwi dawe kha di fani ni Dirigwi dathu, ni valala vathu ndifakazi ta mhakeyo.

Nehemiya 6:16

Se ku to maheka tito, va di ti pfite valala vathu votshe, ni votshe vamatiko, vale va nga ti hi ranganyetile, va to dhuka, ve godhola ngutu masoni kwawe; nguko va ti zivile ti to Txizimu txathu ngu txona txi nga maha mthumo wuwa.

Eksodha 15:3

Mkoma ngene i ku ndena ya kulwa; ditina dakwe ngene Mkoma.

Dhewuteronome 1:30

Mkoma, Txizimu txathu, ngene a no ya masoni kwanu, ene a na mi lwela, kufana ni tile a nga ti maha ngu nganu ditikoni da Egipta, khoheni kwanu.

Joxuwa 10:14

Kha kuzivi kumaneka ditshiku do fana ni donedo, hambi ngu msana hambi ngu masoni ka dona, adiya Mkoma a nga engisa dipswi da m'thu; nguko Mkoma a ti ti lwela va ka Israyeli.

2 Makronika 20:29

Se mbimo yi mifumo yotshe ya matiko ale yi nga pfa ti to Mkoma a lwete va Israyeli ka valala vakwe, yi to thava Txizimu.

Nehemiya 4:14

Se ni to wonisisa, ni khukha ni txi khani ka vathangeli ni ka va thaviseki, ni ka miboti ya vathu: Mi nga va thaveni; alakanyani Mkoma, wa hombe, wo thaviseka, lwelani vananu, vanana vanu, vasikati vanu, ni tinyumba tanu.

Nehemiya 9:11

Aniko u to va abanisela linene masoni kwawe, se ve pinda ngu hagari ka linene, li di omile; u rinza valala vako mazivani, va txi nga marigwi amu ka mati o tutuma.

Masalmo 35:1

Mkoma, abanisa avale va ni mangalelako; u txi lwa ni vale va ni lwisako.

Isaya 31:4

Nguko Mkoma a ni gete tiya: Kufana ni kubhonga ka ngonyamo ni ka txingonyamwana, na ti di mani mpfimba wa tona, hambi ti txi rambelwa dibutho da vadyisi, kha ti dhukiswi ngu mapswi awe, hambi kututuma ngu kuthava wungi wawe. Ngu toneto, Mkoma wa Mabutho a Tiyimbi, a na txhika kuya lwela mmango wa Siyoni, ni tximangwana txa kona.