Eksodha 14:24 - Bhiblia Yo Sawuleka

²⁴ Ngu mbimo ya mixo, Mkoma a to wona ngu mu ka phande ya mndilo ni ya direfu ngu didhawa da wugovelo wa Vaegipta, se e va vinganyisa.

Eksodha 14:24 Referans Kwoze

Eksodha 13:21

Mkoma Txizimu a ti thangela masoni kwawe, ni mitshikari a ti ti va komba nzila ngu direfu, ni wusiku a ti ti va komba nzila ngu phande ya mndilo, kasi ku va woninga, kasiku va txi tsimbila kwati wusiku ni mitshikari.

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”

Masalmo 48:5

Vambe, va di di woni, va tate ngu kuxamala, se va to dhuka ve tutuma ve thava.

Jobe 40:12

Wonisisa votshe va kutikulisa u txi va veka hahatshi, kambe peka vaonhi makhaloni kwawe.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

Jobe 34:20

Vona, ngu mbimoanyana vafa; se hambi hagari ka wusiku vathu va xaniswa, ve pinda, ni va mtamo ngutu va tekwa, va si ti lweli.

Masalmo 104:32

Mafu ma dhudhumela, ngako Mkoma a txi ma wonetela; mimango ya tuvika wutshi, ngako ene a txi yi gwesa.

Jobe 22:13

Se u khawe: Txi ziva txani Txizimu ngu tona tiya kani? Ina txi nga dhuka txi lamula amu txidemani kani?

1 Samuwele 11:11

Se ku to maheka tito, magwanani ka kona, Sawule a to abanisa vathu ngu mitxawa yiraru, aniko veya wulela wugoveloni ni mabimbi-kutxa, kambe va to xasela va ka Amoni kala ni mitshikari. Se avale va nga sala va to hangalaka mmweyo no mmweyo eya ka wukhalo wakwe.

Masalmo 78:14

Ni mitshikari, txi ti va komba nzila ngu direfu se, ni wusiku, txi ti va woninga nzila ngu mndilo.

Masalmo 90:4

Kha ditshuri, digumi da mazana a malembe, kwako ma fana ni ditshiku da nyam'nova, di nga pinda; mwendo txikhatyana txa wusiku.

Amosi 9:4

Se ngako va txiya kukhotelwani masoni ka valala vawe, ani na rumisa taku ve dawa ngu ditxhari; ani na veka diso dangu txitimwi kwawe, ti taku ve maneka ha kubihani, na i si nga wunene.